Облыстық ішкі істер департаментінің есірткіге қарсы күрес басқармасы мен білім беру басқармасы, сондай-ақ салауатты өмір салтын қалыптастыру орталығы ұйымдастырған шараға мектеп оқушылары белсенділік танытты.
Жастар арасында нашақорлықтың алдын-алу мен мектеп оқушыларын отансүйгіштікке тәрбиелеу мақсатында өткен шара аясында «Жастар арасында нашақорлықтың алдын-алу» тақырыбында дөңгелек үстел ұйымдастырылды. Онда балалар «Біз салауатты өмір салтын қолдаймыз!» тақырыбында шағын жарнамалар дайындап, «Біз -жастар, спортты және салауатты өмірді таңдаймыз» атты спорттық би жарыстары өтті. Сайысқа облыстың қала-аудандарынан келген 10 топ қатысты. Балалар сондай-ақ өздерінің білімдерін түрлі спорттық жаттығулар мен бимен көрсетті. Бидің типтоник, брэйкданс, хип-хоп сияқты түрлерін көрсетті. Сондай-ақ салауатты өмір салтын насихаттау мақсатында флешмоб өткізді. Байқау қортындысымен барлық жеңімпаздар грамоталар мен бағалы сыйлықтармен марапатталды.
Сонымен қатар, оқушылар полицейлермен кездесті. Онда нашақорлықтың алдын-алу тақырыбын қызығушылықпен талқылап, ішкі істер қызметкерлеріне сұрақтар қойды. Тәртіп сақшылары оларға есірткі затының зиянды екенін атап өтіп, салауатты өмір салтын сақтау керектігін ескертті.
Пікір қалдыру