Астанадағы Л.Гумилев атындағы Еуразия ұлттық университетінің белсенді студенттері Отырар ауданында болып, тарихи жерлермен танысты. Елбасымыз Нұрсұлтан Назарбаевтың «Болашаққа бағдар: рухани жаңғыру» мақаласы аясында «Менің елім» тарихи өлке танымдық жобасы бойынша «Қазыналы Оңтүстік» сапарын Түркістан қаласынан бастаған жастарды аудан әкімінің міндетін уақытша атқарушы Рыскелді Әліш бастаған ауданның белсенді жастар тобы Арыстанбаб кесенесінен күтіп алып, студенттерді киелі Отырар жерінің тарихымен таныстырды. 
Республикамыздағы ЖОО-дағы білім алушылар арасында еліміздің көрікті жерлерін, тарихи мұрасын дәріптей отырып патриоттық тәрбиесін нығайту мақсатында ұйымдастырлған саяхатта белсенді жастар Арыстанбаб кесенесіне зиярат жасап, «Отырартөбеде» орналасқан ашық аспан астындағы мұражайды тамашалады.
Түскі үзілістен соң студенттер «Руханият-Әбу-Нәсір Әл-Фараби» музейінде аудан тарихынан сыр шертетін құнды жәдігерлермен танысты. Отырар ауданының тарихына қаныққан жастар алған әсерлерімен бөліссе, университет түлегі, айтыскер ақын Нұрқанат Берікұлы аудан басшылығына жыр шашуымен алғыс білдірді. Естелікке суретке түскен студенттер Отырар-Шымкент бағыты бойынша Шымкент қаласына жолға шықты. Белсенді жастардың айтуынша, алдағы уақытта Л.Гумилев атындағы Еуразия ұлттық университетінің студенттері еліміздің барлық өңірлерін аралап, тарихи жерлерін тамашалап, эстафетаны басқа ЖОО тапсырмақ.
Қоғам
Қ.Ергөбек: Қазір көш жүріп бара жатқанда арбаның доңғалағына ағашты тыға бермеуіміз керек
Елбасының биылғы «Рухани жаңғыру» мақаласында еліміз Кирилл әрпінен латын қарпінекөшу мәселесі айтылған болатын. Осыған орай, күні кеше еліміздің тілдерді зерттеу институты латын әрпіне көшудің бір нұсқасын ұсынған еді. Бұл ұсынысқа оңтүстіктегі зиялы қауым өкілдері өздерінің […]
Әлеумет
Отырарда сыбайлас жемқорлыққа қарсы күрес жөнінде жиын өтті
Отырар ауданында сыбайлас жемқорлықпен күрес жөніндегі аудандық комиссияның кезекті отырысы өтті. Жиынға аудандағы мекеме қызметкерлері және БАҚ өкілдері қатысты. Жиынды аудан әкімінің міндетін атқарушы Рыскелді Әліш ашып, жүргізіп отырды. Мінбеге көтеріліп, арнайы баяндама жасаған аудан […]
Қоғам
ОҚО-да жүзеге асатын «Нан қасиеті»,»Ажарлы үй ырысты» жобалары жайлы не білесіз?
Оңтүстік Қазақстан облысында «Ақпарат толқыны» бағдарламасы шеңберінде, Елбасының «Болашаққа бағдар: рухани жаңғыру» мақаласында айтылған ысырапшылдық пен астамшылдыққа қарсы көзқарас қалыптастыру мақсатында, «Нан қасиеті» жобасы жүзеге асырылмақ. Жоба шеңберінде айына 2-реттен жыл бойы 24 бағдарлама түсіру […]
Пікір қалдыру