Кәмелет жасқа толмаған жасөспірім қыздар арасында ерте жүктіліктің алдын алу, қазақ халқының әдет-ғұрып, салт-дәстүрлерін қыз бала бойына сіңіре отырып , қыз балаға келешекте ана, ақ босағаның аруы,шаңырақтың құт-берекесі екенін ұғындырып, сыпайлыққа , инабаттылыққа баулу мақсатында Кентау қалалық білім бөлімінің ұйымастыруымен «Қыз тәрбиесі анадан» тақырыбында дөңгелек үстел өтті. Аталған іс-шараға Ардагер-ұстаз, «Демеу» қоғамдық қорының мұғалімі — Жолдасова Жұмакүл,Кентау қаласы «Әділет» басқармасының бас мамандары, 9-10-11 сыныптың қыз балалары, ата-аналар және мектеп директорларының тәрбие ісі жөніндегі орынбасарлары қатысты.
«Қыз тәрбиесі –ұлт тәрбиесі » тақырыбында психолог мамандар баяндама жасап, қазақ қызы туралы көрсетілген бейнероликтерден шынайы қазақ қызының бейнесімен қазіргі қазақ қызының бейнесі көрсетілді. Осы орайда ортақ пікірлер айтылды.
Ата-аналар комитетінің мүшесі Нұрмуханбетов Бекмұхамбет және №10 мектептің педагог ұйымдастырушысы Омаров Тұрар: «Теледидардан, компьютерден бір елі алыстамайтын жастар буыны қалыптасып келе жатыр. Кейбір ата-аналар баласымен араласуға да уақыты жоқ. Осыдан барып бала әке-шешесінен суып, көп нәрсені айтпайды. Қыз баланың тәрбиесіне ананың орны ерекше болғанықтан ананың қыз балаға жақын болуы, сырласуы керек», — деп сөздерін аяқтады.
Пікір қалдыру