Оңтүстіктегі Созақ ауданында 22 ауыл шаруашылығы техникасын алу межесі белгіленгенсе, есепті мерзімде өз қаржылары есебінен 25 ауыл шаруашылығы техникасы алынып, тапсырма 114 % орындалды. 2 ауыл шаруашылығы кооперативін ашу межесі белгіленсе, есепті мерзімде ауданда 26 ауыл шаруашылығы кооперативі ашылып, әділет басқармасынан тіркеуден өтті. Осы кооперативтерге мүше болаған азаматтар «Ауыл шаруашылығын қолдау қоры» АҚ-ы мен «Ырыс» МҚҰ» ЖШС-і арқылы несие алуға 76 млн теңгеге құжаттарын өткізіп, 47,5 млн теңгесі мақұлданды.
Кооперативтердің индикативті жоспарына сәйкес 3 ауыл шаруашылығы кооперативтерінің жұмыстарын ұйымдастыру межесі белгіленсе, Шолаққорған ауыл округінен «Әділет 1» ауыл шаруашылығы өндірістік кооперативі 22 млн теңгеге ірі қара мал сою модулін алуға «Каз Техпром сервис» ЖШС-і мен әкеліп орнатуға келісім-шарт жасалды. Осы қаржының 11 млн теңгесі инвестициялық субсидия арқылы төленсе, 11 млн теңгесі «Ауыл шаруашылығын қолдау қоры» АҚ-ы арқылы несиеленді. Сонымен қатар, «Нұрдос» ауыл шаруашылығы өндірістік кооперативі майда малды сою бекетін ұйымдастырып, құрама жем шығаратын цехқа қажетті құрал-жабдықтарды алуға өтінім берді. Сондай-ақ, «Аруана» ауыл шаруашылығы өндірістік кооперативі бүгінгі таңға осы түйе сүтін өңдеу кәсіпорнын ашып, тиісті құрал жабдықтарын алып, алынған құрал жабдықтарына инвестициялық субсидия алуға құжаттарын өткізді.
Пікір қалдыру