Түркістан облыстының әкімі Ж.Түймебаев, Елбасы жолдауын жүзеге асыру мақсатында облыстық экономика және бюджеттік жоспарлау басқармасына бюджеттік мекемелерде жұмыс істейтін қызметкерлердің еңбекақысын қайта есептеп, қажетті қаржыны анықтау шараларын жүргізуді жүктеп, жергілікті бюджет есебінен білім, денсаулық сақтау, ішкі істер және басқа да сала мамандары үшін жеңілдетілген ипотека бойынша алғашқы жарнаны ішінара субсидиялау мәселесін шешу жолдарын қарастырып, нақты ұсыныс енгізуді тапсырды. Ал, облыстық кәсіпкерлік және индустриалды-инновациялық даму басқармасына «Бизнестің жол картасы» бағдарламасының қолдану мерізімінің 2025 жылға дейін ұзаруына орай, тиісті шараларды жүзеге асыруды міндеттеді. Облыстық ауыл шаруашылық басқармасы еңбек өнімділігін және қайта өңделген ауыл шаруашылық өнімінің экспортын көбейту бойынша нақты шараларды жүзеге асыратын болса, білім басқармасы мектепке дейінгі білім беру сапасын түбегейлі жақсарту мақсатында тиісті министрлікпен жол картасын әзірлеуді міндетіне алды. Ал денсаулық сақтау басқармасы бұдан кейін медициналық қызмет көрсету мекемелерінің толыққанды электронды құжат айналымы жүйесіне өтуді қамтамасыз етпек. Облыстық дене шынықтыру және спорт басқармасы мен аудан, қала әкімдіктерімен бірлесіп тұрғындардың бұқаралық спорт пен дене шынықтырудың қол жетімділігін арттыру мақсатында арнайы спорт кешендерін салу және аула мен саябақтарды арнайы дене шынықтыру құралдарымен жабдықтау жолдарын жүзеге асыратын болды. Жалпы, облыстық басқармалар мен қала, аудан әкімдіктері сыбайлас жемқорлықпен белсенді күрес жұмыстарын жалғастырып, бұл мақсатта көрсетілетін мемлекеттік қызметтер аясын мейлінше тікелей қарым-қатынасты азайту арқылы электронды форматқа көшу шараларын жүзеге асырмақ.
Ұқсас жаңалықтар
Одабасы ауданындағы Қ.Спатаев ауылында ауыз су жүйесі іске қосылды
1 желтоқсан – Қазақстан Республикасының Тұңғыш Президенті күні мерекесі қарсаңында, облыс әкімі Жансейіт Түймебаев, Төрткүл ауыл округіндегі Қарсыбай Спатаев ауылындағы ауыз су жүесінің іске қосылу шарасына қатысып, ауыл тұрғындарының қуанышымен бөлісті.Жаңа тартылған су құбырының ауыл […]
ОҚО-дан арнайы делегация Елбасының туған жеріне барды
1 желтоқсан Тұңғыш Президент күні мерекесіне орай, Оңтүстік Қазақстан облысынан арнайы делегация Елбасы Нұрсұлтан Әбішұлы Назарбаевтың туған жеріне барды. Айта кету керек, аталмыш топ мүшелері Алматы облысы, Қарасай аудандық тариxи — өлкетану мұражайындағы бүгінгі — […]
Түркістан облысындағы туристік шаралар келер жылы жалғасады ма?
Түркістан облысының әкімі Жансейіт Қансейітұлы, өңірде бұған дейін Түлкібас ауданында өткен “Қызғалдақ”, Бәйдібектегі “Қымызмұрындық”, Жетісайдағы “Қауынфест” фестивальдарының маңыздылығына кеңінен тоқталды. «Ауқымды іс-шаралар арқылы ауданның болашағы үшін маңызды брендтерін елге әйгілі етуді мақсат тұттық. Биыл игі […]
Пікір қалдыру