Түркістан облысында түйе және бие сүтін өңдейтін зауыт ашылады

2015-2019 жылдарға арналған Қазақстанның индустриялық-инновациялық дамуының мемлекеттік бағдарламасы аясында Түркістан облысында  2018 жылы 16,8 миллиард теңгеге 804 жұмыс орнымен 9 жобаның іске асырылуы жоспарланған, деп хабарлайд Күнгей.kz ақпарат агенттігі Түркістан облысы әкімінің баспасөз қызметіне сілтеме жасап.

Есепті кезеңде «Green Technology Industries» жауапкершілігі шектеулі серіктестігінің құны 1,3 млрд. теңгені құрайтын жобасының I кезеңі іске қосылды (Ордабасы ауданы, КТИА — Бадам). Сонымен қатар, «ПЭТ қалдықтарын өңдеу және штапельді талшықтар» (синтепон) өндірісін ұйымдастыруда 60 жұмыс орны ашылғанын айта кеткен жөн. Жобалық қуаттылығы жылына 15 мың тонна өнім шығарады. Зауыт толық заманауи технологиялармен жабдықталған. Яғни, халықаралық талаптарға сай.

Мұнан өзге, жалпы құны 7 миллиард теңгені құрайтын «Golden Camal Group LTD» жауапкершілігі шектеулі серіктестігі іске қосылады деп жоспарланып отыр. Айта кету кереек, бұл жобаның қуаты   1,5 мың тонна түйе және бие сүтін өңдейді. Егер өндіріс орны өз ісін бастар болса, 144 жаңа жұмыс орны ашылады екен. Қалған жобалар жыл соңына дейін іске асырылатын болады.

Бірінші болып пікір қалдырыңыз

Пікір қалдыру

Сіздің эл.почтаңыз сайтқа ашық жарияланатын болмайды.


*