Болашақ журналистер — Сыр елінде

Дәл қазір Қорқыт Ата атындағы Қызылорда мемлекеттік университетінде жоғары оқу орындарының студенттері арасында журналистика мамандығы бойынша дәстүрлі IX республикалық пәндік олимпиада өтуде. Білім сайысында республиканың әр өңірінен 13жоғарғы оқу орнынан жалпы саны 36 білімгер бақ сынауда.

Болашақ журналистер алдымен оқу ғимаратында орналасқан «Археология және этнография», «Елбасы және Тәуелсіз Қазақстан» оқу-көрме залдарымен танысты. Сыр өңірінідегі тарихи мекендер туралы мол мағлұмат алып, тұңғыш президенттің Қызылордаға келген сапарынан фотогалерия арқылы хабардар болды. Сондай-ақ, студенттер олимпиада шеңберінде білім ұясындағы «Физика-химиялық талдау әдістері» инженерлік зертханасында болды.

Түстен кейін поэзияға құмар жастар оқу орнындағы журналистика мамандығының 20 жылдық мерейтойы аясында жас ақындар – 4 курс студенті Мақсат Дауылбай мен 2 курс студенті Бақытбек Сұлтанбейбарыстың шығармашылық кешіне қатысты.

Айта кетейік, Сыр бойындағы Қорқыт баба атын иемденген 80 жылдық тарихы бар осынау айтулы университет былтыр ғана әл-Фараби атындағы Қазақ ұлттық университетінде өткен VІІІ пәндік олимпиадада 1-ші орынға ие болып, дәстүрлі бәсекені Қызылордада өткізу құқын жеңіп алған болатын.

5 Comments

Пікір қалдыру

Сіздің эл.почтаңыз сайтқа ашық жарияланатын болмайды.


*