Кентау қаласының әкімі Әбдібақыт Мақұлбаев, шаһардың әлеуметтік-экономикалық дамуына зор әсер етер инвестиция, тау-кен өндірісі, өнеркәсіп, ауыл шаруашылығы, коммуналды шаруашылық сынды бірқатар салалардағы жетістіктерді баян етті.
«Кентаудағы индустриалды аймақта инфрақұрылым жүйелері толығымен жүргізіліп, жалпы құны 1998,5 миллион теңге ге 5 жоба орналастырылды. Оның бүгінге дейін екеуі іске қосылса, қалған 3 жоба — «Асфальт-бетон қоспасын өңдеу зауыт құрылысы», «Кислород шығаруды ұйымдастыру» жобасы және «Медициналық бұйымдар шығару» жобасы жыл соңына дейін іске қосылатын болады», — деді қала әкімі Әбдібақыт Мақұлбаев.
Сонымен қатар, Кентау халқының ауыз сумен қамтылып, табиғи газға қол жеткізу жолында атқарылып жатқан бірқатар жұмыстарды айтып берді. Көріктендіру, көгалдандыру және абаттандыру жұмыстары да баршылық. Жалпы, қала бойынша 25,9 гектар жерге 19150 көшеттер отырғызылса, ағымдағы жылы С.Қожанов саябағына күрделі жөндеу, Қонаев, Абай даңғылдары, Каленов көшесі және «Жастар орталығы» аллеяларының абаттандыру жұмыстары басталды.
Пікір қалдыру