Қазығұрт ауданында 41 нысанның немесе 185 шақырым жолдың құрылыс-жөндеу жұмыстары жүргізілмек. Сонымен қатар, ағымдағы жылы 4 нысан — 87,1 шақырым жолға құрылыс-жөндеу жұмыстарын жүргізу үшін жобалау-сметалық құжаттама әзірленіп жатыр.
Аталмыш жобалардың ішіндегі ірілеріне тоқталар болсақ, Қазығұрт ауданындағы жобаларды айтуға болады. Мәселен онда 2018-2020 жылдары шамамен 4,5 млрд. теңгеге 37,1 шақырымды құрайтын 2 ірі жобаның құрылыс-жөндеу жұмыстарын жүргізу жоспарланған болатын. Аталған жобалар аясында Шарапхана, Жұмысшы, Сынтас және Жаңабазар елдімекендерінен өтетін жол. Бұ жолдың облыстық маңызы бар екенін айта кеткен жөн. Ұзындығы 16 шақырымды құрайтын КХ-29 автомобиль жолына күрделі жөндеу жұмыстары жүргізілсе, Шарбұлақ және Тұрбат елді мекендерінен өтетін облыстық маңызы бар ұзындығы 21,1 шақырымды құрайтын КХ-48 автомобиль жолына да күрделі жөндеу жұмыстары жүргізіледі деп күтіліп отыр.
Сонымен қатар, 2017-2018 жылдар аралығында 40 шақырымды құрайтын 1 нысанның орташа жөндеу жұмыстары атқарылады деп жоспарланып жатыр. Аталған жобаның жөндеу жұмыстары Еңбекші, Шанақ және Ақжар елді мекендерінен өтеді.
Пікір қалдыру