Шымкент қаласындағы ақынның жырына сусаған халық бұл күнде «Отырар» кітапханасына қарай ағылды. Себебі, мұнда «Сырдың сыршыл ақыны» тақырыбымен Шардара ауданының түлегі, ақын, Төлеген Айбергенов атындағы сыйлықтың иегері Әлібек Шегебайдың кездесу кеші өткізілді. Сүткенттің сары баласы жастайынан-ақ поэзия әлемінің тереңіне қарай құлаш ұрып, бүгінде бүткіл қазақ елін мойындатып үлгерген еді.Кездесу кешінде Қасқыр Серікбаев, Нұрғали Ыбырайым сынды Шардараның шайырлары қаламдас інілеріне құтты болсын айта отырып, ізгі тілектерін жыр шумақтармен жеткізді. Шардара аудандық мәслихаттың депутаты, №16 колледждің директоры Зәкірхан Талбидин Әлібек ақынға ақ тілегін жеткізсе, аудан әкімінің орынбасары Бақтыбай Әліпов шардаралықтар атынан ақынның иығына оқалы шапан жапқанын айта кеткен жөн.Жерлестерінің ыстық ықыласы шабыт сыйлаған Әлібек Шегебай сахна үстінде тебірене жырларын оқыды. Өз оқырмандарына шексіз ризалығын білдірген ақын жаңадан жарық көрген кітаптарын көпшілікке сыйға тартты.
Ұқсас жаңалықтар
Шардарадан 20 әлем чемпионы шыққан
Шардарада қол күрестен әлемдік деңгейдегі ең мықты спортшыларды тәрбиелеп шығарып отырған қол күрес мектебінің іргесі сонау 2001 жылы қаланған болатын. Содан бергі өткен 16 жыл аралығында осынау мектептен Шардараның атын шартарапқа танытқан көптеген палуандар шықты.2001-2017 […]
Шардарада «Әділет кеңес береді» акциясы өтті
Шардара аудандық Әділет басқармасында «Әділет кеңес береді» акциясы өтті. Бұл іс-шараға «Нұр Отан» партиясының аудандық филиалының қызметкерлері, денсаулық сақтау мекемесінің өкілдері, жеке нотариус, аумақтық және жеке сот орындаушылары қатысты. Аудандық Әділет басқармасының басшысы Таңат Әжібековтің төрағалығымен […]
МАҚТААРАЛДА ҰЛЫ АҚЫННЫҢ ӨНЕГЕЛІ ӨМІРІ НАСИХАТТАЛДЫ
Қазақтың ұлы ақыны Абайдың 172 жылдығына орай Жетiсай қаласындағы «Абай» гүлзарында жиналған жұртшылық ақынның рухына тағзым етiп, ескерткiшiне гүл шоқтарын қойды. Ақынның өнегелі өмірінен сыр шертіліп, даналығы, рухани асыл мұралары насихатталып, өлеңдері, әсем әндері айтылған […]
Пікір қалдыру