ОҚО әкімі Сайрамдағы электр энергиясы келер жылы инвестициялық бағдарлама аясында шешілетінін айтты

Оңтүстік Қазақстан облысының әкімі, «Нұр Отан» партиясы облыстық филиалының  төрағасы Жансейіт Түймебаев  партия филиалының бас  ғимаратында қоғамдық қабылдау өткізіп, Сайрам ауданынында сапалы қуат көзіне зәру тұрғындардың шағымын ыңдаған болатын. Осыған орай, өңір басшысы электр энергиясы мәселесі 2018 жылы инвестициялық бағдарлама аясында шешілетінін айтты.«Сайрам ауданы, Көлкент ауылдық округі, Теспе ауылында орнатылған 6,254 шақырым электр желісі мен трансформатор «Оңтүстік Жарық Транзит» ЖШС-нің теңгерімінде.  2016 жылы «Оңтүстік Жарық Транзит» ЖШС-гі инвестициялық бағдарламасы есебінен жарамсыз 12 дана ағаш бағаналары сымдарымен ауыстырылған. Ал биыл қосымша 1 дана қуаты 100 кВА болатын трансформатор орнату жоспарда бар. 2018 жылғы инвестициялық бағдарламаға сәйкес тұрғындарды қамтамасыз етудегі 100 кВА трансформаторды 160 кВА трансформаторға, төменгі кернеулі 0,4 кВ-тық электр бағаналары мен қоса электр желісін толығымен ауыстыру жоспарланған», — деді Жансейіт Қансейітұлы.

Мұнан соң әкім алдына облыстық әйелдер кеңесінің төрайымы Баян Жандосова кірді. Баян Айтбекқызы өңіріміздегі әйелдер қауымының және отбасы құндылықтарын сақтау төңірегіндегі қордаланған мәселелерге тоқталды.

Алматы қаласының тұрғыны Нәзір Төреқұлов халықаралық қайырымдылық қорының президенті  Әбдіжаппар Сапарбаев қоғам қайраткері Нәзір Төреқұловтың туылғанына 125 жыл толуын оңтүстік жерінде атап өту мәселесін көтерді.Қазақстандық денсаулық сақтау қызметкерлерінің салалық кәсіподағының Оңтүстік Қазақстан облысы филиалының төрайымы Аяниязова Рита ауылдық жерлердегі медициналық сақтандыру жүйесінің орындалу барысын сөз етті.

Ал Сайрам балалар үйінің түлегі Луиза Салимжанқызы 2013 жылдан үй кезегіне тіркелгенін, алайда баспанаға қол жеткізе алмай отырғанын және күйеуінің жұмыссыз жүргенін айтып шағымданды. Кездесу барысында әкім шағымданушыға жыл соңына дейін пәтер берілетінін мәлімдеп, жұмыссыз жүрген отағасын жауапты азаматтарға еңбекпен қамтамасыз етуді тапсырды.   

Бірінші болып пікір қалдырыңыз

Пікір қалдыру

Сіздің эл.почтаңыз сайтқа ашық жарияланатын болмайды.


*