Оңтүстік Қазақстан облысында «Нұрлы жол» инфрақұрылымды дамытудың 2015-2019 жылдарға арналған мемлекеттік бағдарламасы арқылы бірқатар жұмыстар атқарылған.
Атап айтқанда, бағдарлама басталған екі жылдың бірінші жылы 324 пәтерлі 9 қабатты тұрғын үй пайдалануға берілгенін айта кету керек. Осының арқасында 300-ден астам отбасы қоныс тойын тойлады. Сонымен бірге, 2015 жылы аталған жұмыстарды іске асырып, атқаруда 1200-ге жуық адам жұмыспен қамтылды.
Өткен жылы «Нұрлы жол» аясында 10 білім беру нысаны халық игілігіне берілгенін де айпай кетуге болмайды. Мәселен, былтыр 9 мектеп (оның 2-уі апатты жағдайда, 7-үш ауысымды) пен 1 балабақшаның (тапшылық орын) жаңа құрылысы жүріп, балалар 1 қыркүйектен бастап жаңа нысандарда білім ала бастады. Сондай-ақ, тұрғын үйлерді инженерлік жүйелермен қамтамасыз ету бойынша Шымкент қаласы мен Түлкібас ауданындағы 2 нысанға тиісті жұмыстар жүргізіліп, мерзімінде тапсырылды. Осылайша, 2016 жылы аталған бағдарлама аясында жүргізілген құрылыс нысандары арқылы 3655 адамға жұмыс орындары ашылды.
Пікір қалдыру