Жолдауда айтылған әрбір басымдыққа жеке-жеке тоқталған Түлкібас ауданының әкімі Нұрбол Тұрашбеков кәсіпкерлікті дамытуда мемлекет-жекеменшік серіктестігін дамыту жұмыстарының барысын баяндады. Мәселен, жыл соңына дейін осы бағытта Түлкібастағы Ақбиік ауылында 100 орындық бір балабақша ел игілігіне берілмек. Және бұл жұмыстар одан әрі жалғасатын болады. Осы көрсеткіштердің нәтижесінде мектепке дейінгі балаларды балабақшамен қамту ісі ауданда биыл 92,6 пайызды құрап отыр екен.
«Ауданда кәсіпкерлік саласында жұмыс істейтіндер саны 17 344 адамға жетіп, бизнесмендер саны 106 адамға немесе 100,6% өсіп отыр. Жалпы кәсіпкерлік саласында белсенді жұмыс істеп тұрған шағын және орта кәсіпкерлік субъектілерінің саны 6520 бірлікті құрап отыр. Аудандағы 4 шағын несие ұйымы арқылы 2712 жеке азаматқа 1237,2 млн теңге несие берілді», — деді Нұрбол Әбдісаттарұлы.
Ауданда кәсіпкерліктің кең қанат жаюы үшін, яғни, бизнес-ортаны түбегейлі жақсарту және кеңейту аясында «Нәтижелі жұмыспен қамту және жаппай кәсіпкерлікті дамыту» бағдарламасының барлық бағыты бойынша тиісті жұмыстар атқарылып, нәтижесінде, белсенді түрде 235 азамат оқуға жолданса, 34 азаматқа 81,2 млн. теңге шағын несие берілген. Сондай-ақ, бағдарламаның үшінші бағыты аясында 961 адам жұмыспен қамтылыпты.
Пікір қалдыру