Оңтүстік Қазақстан облысының әкімі Жансейіт Түймебаевтың төрағалығымен облыс әкімдігінде аймақ көлеміндегі құрылыс және жобалау жұмыстарының барысы бойынша мәжіліс өтті. Отырысқа ҚР Парламентінің Сенатына депутат болып өңірімізден жақында сайланған Әлімжан Құртаев қатысты. Саладағы жұмыстардың атқарылу барысын баяндаған облыстық құрылыс басқармасының басшысы Құттыбек Жамашевтың мәліметінше, 2017 жылы өңірде құрылысы жоспарланған 196 нысанның 121-ін пайдалануға тапсыру көзделсе, қалғаны келер жылға өтпелі екен. Ел игілігіне берілетін нысандардың 29-ы білім беру нысаны болса, 34-і денсаулық сақтау, 1-уі әлеуметтік қамту, 3-уі мәдениет саласына байланысты, ал 42 нысан 61 тұрғын үй ғимараттарына жатады. Сонымен бірге, 8 объекті инженерлік инфрақұрылымға, 1 нысан моноқалаға, 1-уі ауыл шаруашылығы, 1-уі абаттандыру саласына қатысты және 1-уі қоршаған ортаны қорғау нысандарына жататын ғимараттар болып табылады. Ал жыл басынан бері осы 121 нысанның 15-і қолданысқа берілген. Олардың 5 нысаны білім беру объектісі, 4-уі денсаулық сақтау, 1-уі әлеуметтік қамту, 1-уі тұрғын үй болса, 1-уі қоршаған ортаны қорғау және 3-уі инженерлік-коммуникациялық нысандар.
Ұқсас жаңалықтар
ОҚО-да келер жылы «Бабалар мұрасы ізімен» жобасы жүзеге асырылмақ
Оңтүстік Қазақстан облысында Елбасының «Рухани жаңғыру» бағадарламасы аясында «Бабалар мұрасы ізімен» жобасы жүзеге асырылмақ. Бұл жөнінде «Рухани жаңғыру» бағдарламасын жүзеге асыру жөніндегі БАҚ және блогерлердің қатысуымен кеңсе тарапынан атқарылып жатқан жұмыстарды насихаттауға байланысты ашық есік […]
ОҚО-да дәрігерлерге 1 миллион теңгеден беріледі
Бұл туралы ОҚО Өңірлік коммуникациялар қызметінде өткен баспасөз мәслихатында Денсаулық сақтау басқармасының басшысы Мұқан Егізбаев мәлім етті. Облыстың бас дәрігері жыл басынан бері денсаулық сақтау саласында атқарылған жұмыстарды баяндады.«Бұған дейін ауылды жерлерге барған дәрігерлерге 100 […]
ОҚО-да еліміздегі тарихи-мәдени ескерткіштердің 80 пайызы орналасқан
Елбасының «Болашаққа бағдар: рухани жаңғыру» бағдарламалық мақаласы аймағымызда туризмді дамытудың тура жолдарын анықтап берді. Осылай деген Оңтүстік Қазақстан облысының әкімі Жансейіт Түймебаев еліміздегі тарихи-мәдени ескерткіштердің 80 пайыздан астамы Оңтүстік жерінде орналасқанын айтты. «Көне заманнан тарих […]
Пікір қалдыру