Жетісай қаласының орталық алаңында мақтаралдық 150 оқушыны Астана қаласында өтіп жатқан «EXPO-2017» көрмесіне аттандыру рәсімі өтті. Іс-шараға арнайы аудан әкімі Ғ.Исмаилов қатысты.
«Президентіміз Н.Ә.Назарбаев «Болашаққа бағдар: рухани жаңғыру» атты мақаласында жастарымыздың сапалы білім алуымен қатар, туған жерді сүюге тәрбиелейтін жобалардың көп болуын айтқан болатын. Бүгін балаларымыз аттанғалы тұрған сапарда туған жеріміздің тамаша табиғатымен, еңселі Елордамыздың ең жақсы жерлерімен етене танысып, бойларына мақтаныш сезімі орнайтынына сенімдімін! «Ұлым дейтін ел болмаса, елім дейтін ұл қайдан болсын» деген жақсы сөз бар. Президентіміз сіздер үшін талай игі істерді істеп, мемлекеттің болашағы тікелей сіздерге байланысты екендігін үнемі қайталаумен келеді. Сондықтан, Елбасының, еліміздің сенімін ақтап, болашақта Қазақстанның туын ұстар мықты азамат боп өсе берулеріңізге тілектеспін!» — деді аудан әкімі Ғ.Исмаилов.
Айта кетейік, саяхат мерзімі 5 күнге дейін созылады. Ата-ана қамқорлығынсыз қалған, әлеуметтік жағынан аз қамтамасыз етілген оқушыларды көрмеге алып бару үшін аудандық бюджеттен 5 миллион 800 мың теңге қаржы бөлінген, яғни әр оқушы 38 мың 400 теңгеге саяхат жасайды. Оқушылар «EXPO-2017» көрмесінен бөлек, «Бәйтерек», «ҚР Ұлттық мұражайы», «Думан» ойын-сауық орталықтарына барып, еңселі Елордамыздың ең көрікті жерлерін аралайды. Олардың қауіпсіздігі үшін аудандық Білім бөлімінің 2 маманы, 3 педагог-психологтар, 7 тәрбиеші, 3 медицина қызметкерлері де бірге аттанды. Оқушылардың түнеуі үшін Астана қаласындағы «Нұр Орда» мектеп-лицейінің «Дастандық» жатақханасымен келісім жасалған.
Қоғам
Мақтааралда аналар кеңесінің көшпелі отырысы өтті
Мақтарал ауданы әкімінің аппаратында ОҚО Қазақстан халқы ассамблеясы жанындағы аналар кеңесінің көшпелі отырысы өтті. Іс-шараға аудан әкімінің орынбасары Мақсат Жолдасбеков, ОҚО Қазақстан халқы ассамблеясы жанындағы аналар кеңесінің төрайымы Балхия Көмекбаева және осы ұйымның мүшесі Зоя […]
Жастар
Мақтааралда «Ұрпақ тәрбиесі-ұлт болашағы»деген тақырыпта жастармен кездесу өтті
Мақтаарал аудандық «Жастар ресурстық орталығы» коммуналдық мемлекеттік мекемесінің ұйымдастыруымен келеңсіз жағдайлар мен жат қылықтарды, ерте жүктілікті және аутодеструктивті оқиғалардың, құқық бұзушылықтың алдын алу мақсатында «Ұрпақ тәрбиесі – ұлт болашағы» атты тақырыпта 8-9-10-11 сынып оқушыларының қатысумен […]
Әлеумет
Мақтааралда жастар арасында шахматтан жарыс өтті
Мақтарал аудандық Ішкі саясат, мәдениет және тілдерді дамыту бөлімінің «Жастар ресурстық орталығы» КММ-нің ұйымдастыруымен «Жастар — Қазақстанның интеллектуалды болашағы» атты шахматтан аудандық турнир болып өтті.Жарысқа Жетісай, Асықата, Атакент, Мырзакент өңірлерінде өткен іріктеу кезеңінің жеңімпаздары қатысып, […]
Пікір қалдыру