Б.Дүйсебеков: Латын әрпіне көшу- біз жастар үшін, болашақ үшін әлдеқайда маңыздырақ!

Оңтүстік Қазақстан облысы жастар орталығының директоры Береке Дүйсебеков, қазақ әліпбиінің латын қарпіне көшуді бүгінгі күннің талабы деп біледі. «Қазақ елі тәуелсіздік алғанына жиырма алтыншы жылға аяқ басты. Бүгінгі жастар еліміздің өркендегенін, жылдан-жылға дамып келе жатқандығын көріп отыр. Олар азат рухта тәрбиеленіп, өздерінің бай тарихына мақтана алатындай сезімде бой түзеуде. Сондықтан, біздің ойымызша, отаршылдық санада емес, тәуелсіздік рухтағы қазіргі қазақ жастары ұлтын сүйетін патриоттық сезімде қалыптасып келеді.Біз жастар латын әліпбиіне көше отырып, өркениетті елдердің қатарына қосылып, тіліміздегі дыбыстық жүйелерді нақ анықтап, қазақ тілінің жазылуы мен дыбысталу кезінде сөздер қолданысындағы артық кірме сөздерден арыламыз деп сеніммен айта аламыз. Латын әліпбиіне көшу-біз жастар үшін, болашақ еліміз үшін әлдеқайда маңыздырақ» дейді  Оңтүстік Қазақстан облысы жастар орталығының директоры Береке Дүйсебеков.

Бірінші болып пікір қалдырыңыз

Пікір қалдыру

Сіздің эл.почтаңыз сайтқа ашық жарияланатын болмайды.


*