Шымкент аграрлық колледжі жанындағы «Достық» клубында облысымыздағы этномәдени бірлестіктердің төрағалары мен студенттердің кездесуі өтті.
«Рухани жаңғыру – заман талабы» тақырыбында өткен жиынға қатысушылар Елбасының «Болашаққа бағдар: рухани жаңғыру» мақаласын талқылап, сыр-сұхбат құрып, ой бөлісті.
Басқосуда сөз алған Оңтүстік Қазақстан облыстық Қазақстан халқы Ассамблеясы төрағасының орынбасары, корей этномәдени бірлестігінің төрайымы Роза Пак латын графикасына көшудің маңыздылығына тоқталды.
— Елбасының бағдарламалық мақаласы — бізге жаңа мүмкіндіктер ашып, мәңгілік ел болуға бастайтын маңызды құжат. Мақалада басым бағыт ретінде көрсетілген латын әліпбиіне көшу — еліміздің алға жылжуына, жаңа заман талабына сай өсіп-өркендеуіне үлес қосары сөзсіз. Жаңа әліпби – заманауи технология тілімен үндес. Сондықтан латын қарпіне көшу – уақыт талабы. Көшбасшы мемлекеттермен иық тіресіп, жастарымыз бәсекеге қабілетті болу үшін уақыт көшінен қалмауы тиіс, — деді Роза Викторқызы.
Жиын барысында облыстық түрік этномәдени бірлестігінің төрағасы Латифша Асанов латын әліпбиіне көшу бастамасы түбі бір түркі дүниесінің мәдени, ғылыми, экономикалық байланысының нығаюына мол мүмкіндік беретінен айтты. Сонымен бірге, өзара ынтымағымызды сақтап, елдің бірлігін нығайтудың маңызына да тоқталды.
Кездесу соңында қонақтар студенттердің сауалдарына жауап беріп, алдағы уақытта жиі жүздесіп тұруға уағдаласты.
Мәдениет
ОҚО-да өткен «Арыс жағасында» ретро-фестивалінде елімізге белгілі бес сазгердің әндері шырқалды
Оңтүстік Қазақстан облысында «Арыс жағасында» ретро-фестивалі өтті. Өңірде сегізінші рет өткізіліп отырған мерекелік кеште елімізге белгілі Тұрдықылыш Ізтай, Мұхтар Құралов, Құралай Сәтмұханбетова, Лесбек Аманов, Ержан Серікбаев сынды композиторлардың әндері орындалды.Мерекелік шараға қатысқан облыс әкімі Ж.Түймебаев […]
Қоғам
ОҚО-дағы 72 аса биік ғимарат толық тексеруден өтті
ОңтүстікҚазақстаноблысыбойынша 72 асабиіккөпқабаттығимаратесепкеалынған. Оның 54-і Шымкент қаласына тиесілі. Солардың бірқатарында қауіпсіздік шаралары сақталмаған. Бүгін бұл туралы Өңірлік коммуникациялар қызметінде өткен баспасөз мәслихатында облыстық бақылау және профилактикалық қызмет басқармасы бастығының орынбасары Бауыржан Избасаров мәлім етті. Басқарма тарапынан ғимараттардың төтенше […]
Экономика
ОҚО-да өнеркәсіп кәсіпорындары 510 млрд теңгенің өнімін өндірді
Бүгін ОҚО Өңірлік коммуникациялар қызметінде облыстық кәсіпкерлік, индустриалды-инновациялық даму және туризм басқармасының басшысы Батырхан Құрмансейіт жыл басынан бері атқарылған жұмыстар туралы баспасөз конференциясын өткізді. Онда спикер Мемлекет басшысының 5 институционалды реформасын жүзеге асыруға бағытталған «100 […]
Пікір қалдыру