Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл Агенттігінің Оңтүстік Қазақстан облысы бойынша департаменті мен облыстық білім басқармасының бірлесе ұйымдастыруымен 2017 жылғы 29 қыркүйекте Төлеби ауданының №7 жалпы орта мектебінде «Рухани жаңғыру» бағдарламасы аясында «Адалдық-парасаттың биік шыңы» атты «Адал ұрпақ» ерікті мектеп клубтарының облыстық слеті өтті. 
Шараның негізгі мақсаты-өскелең ұрпақ арасында сыбайлас жемқорлыққа қарсы мәдениетті қалыптастыру мен көзқарасты нығайту бойынша бастамаларды көтермелеу. Сонымен қатар, іс-шараға ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Оңтүстік Қазақстан облысындағы департаментінің өкілі Г.Мұсабекова, «Ұстаз нұры» газетінің бас редакторы, облыстық Ата-аналар кеңесінің төрағасы Ә.Бейсе, ардагер ұстаз, облыстық Ата-аналар кеңесінің мүшесі Б.Тасполатов, сонымен бірге, қала, аудандардан «Адал ұрпақ» ерікті мектеп клуб мүшелері қатысты.
Шара 2016-2017 оқу жылдары әр қала, аудандағы еріктілер клубтарының атқарған жұмыстарымен басталып, әрі қарай шерулер, суреттер көрмесі және әртүрлі спорттық жарыстармен жалғасын тапты. Слет соңында жеңімпаздар марапатталды.
Пікір қалдыру