Бүгін аудан әкімі Арман Абдуллаев «тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасы» аясында Сарыағаш қаласының аумағында салынып жатқан арендалық тұрғын үйлердің құрылыс-монтаж жұмыстарының барысын саралады.
Сарыағаш қаласында жеке инвестор 90 арендалық (жалға берілетін) пәтердің құрылыс жұмыстарын жүргізуде. Қазіргі таңда 60 пәтердің құрылыс-монтаждау жұмыстары аяқталып, 30 пәтердің құрылыс жұмыстары биыл қараша айына дейін аяқталмақ. Нысан құрылысы «Тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасы» аясында қолға алынған.
Құрылыс барысын бақылаған аудан әкімі Арман Абдуллаев мердігер мекеме өкіліне тұрғын үйлер аудан тұрғындарының игілігі үшін салынып жатқандықтан берік әрі сапалы болуы қажеттігін ескертті.
Сондай*ақ,«Тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасы» аясында Сарыағаш қаласында 54 тұрғын үйдің құрылысы жүріп жатыр. Қалаға қарасты Самал-3 мөлтек ауданында жеке инвестор есебінен бой көтерген арендалық баспаналардың ішкі әрлеу жұмыстары қолға алынған. Бүгін аудан әкімі Арман Абдуллаев тұрғын үйлердің құрылыс-монтаж жұмыстарының барысын бақылады.
Айта кетейік, аталған жоба аясында 1,2 және 3 бөлмелі тұрғын үйлердің іргетасы құйылып, кірпіш қалау жұмыстары аяқталып, шатыры жабылған. Нысан басында болған аудан басшысы мердігер мекеме өкіліне тұрғын үйлер аудан тұрғындарының игілігі үшін салынып жатқандығын айтып, сапалы, берік болуы қажеттігін ескертті. Құрылыс, сәулет және қала құрылысы бөлімінің басшысы Е.Қосмұратовқа құрылыс барысын баяндап тұруды, бақылауды күшейтуді тапсырды.
Пікір қалдыру