ОҚО-да жыл соңына дейін 900 жұмыс орны ашылады

 Оңтүстік Қазақстан облысының негізгі әлеуметтік-экономикалық даму көрсеткіштерінде өсім байқалып келеді.

Атап айтқанда, индустриялды-инновациялық даму бағдарламасы аясында іске қосылған жобалардың 94 %-ы жоспарлық қуаттылықты игеріп, 101 млрд. теңгенің өнімін өндірген. Нәтижесінде, оның өңдеу өнеркәсібіндегі үлесі 21 %-ға өсті.

Мұнан бөлек, өңірде жаңа өнім түрлерін өндіретін жаңа өндірістік нысандар іске қосылды. Облысымызға импортталатын өнімдер — су насостары, керомограниттік плиталар, кілемдер, МДФ тақтайлар және өзге де тауарлар өңірімізде шығарылса, цемент, мотор майы, кілем, мата, дәрі-дәрмек, трансформаторларды экспорттау қолға алынды. Облысқа 79,4 млрд. теңге инвестиция бағытталып, 2016 жылдың тиісті кезеңінен 2 есе артып отыр.

Индустриялды-инновациялық даму мемлекеттік бағдарламасы аясында биыл 37 млрд.теңгеге 17 жобаны іске қосып, нәтижесінде, 900-ден астам жұмыс орнын құру жоспарлануда. Облыс өнеркәсібі өнімінің көлемін 850 млрд. теңгеге жеткізу, яғни, шағын және орта кәсіпкерлік субъектілерімен өндірілген өнім көлемін 900 млрд. теңгеге дейін ұлғайту көзделуде.

Бірінші болып пікір қалдырыңыз

Пікір қалдыру

Сіздің эл.почтаңыз сайтқа ашық жарияланатын болмайды.


*