Түркістан қаласында 25 қазан — Республика күні мерекесі қарсаңында интеллектуалды ойын өтті. Шара облыстық «Жастар ресурстық орталығы» КММ-ң бастамасымен ұйымдастырылған. Шараға «Конгресс Холл «көпсалалы кешенінің директоры Асқар Кенехан мен облыстық «Жастар ресурстық орталығы» КММ басшысының орынбасары Пердебек Есқұлов қатысып, жастарға сәттілік тіледі.
Білімділер сайысында аудан-қалалардан келген 12 команда 5 кезең бойынша өзара бақ сынасты. Сайыс әртүрлі бағыттағы сұрақтар мен тапсырмалар арқылы қатысушылардың ой-өрісін кеңейту және жаңа ақпараттарды игеру мақсатында қолға алынған. Сайыс нәтижесі бойынша Созақ ауданынан келген «Теріскей» командасы 1-орынға ие болды. Жүлделі 2-орынды Арыс қаласынан келген «Арыс арулары» командасы иеленсе, 3-орынға Сайрам ауданынан келген «Эрудит» командасы табан тіреді. Жеңіске жеткен командаларға арнайы дипломдар мен алғыс хаттар және қаржылай сыйлықтар табысталды.
Пікір қалдыру