Шымкент қаласының тұрғындары үшін Президенттің бүкіл ел бойынша жүздеген экоактивистерді біріктірген бұл экологиялық бастамасы біртіндеп мәдени кодтың бір бөлігіне айналуда. Өңірде сенбіліктер, флешмобтар, эко-квесттер мен конкурстар өтуде, елді мекендердің аумақтарын көгалдандыру, санитарлық тазалау және абаттандыру жұмыстары жүргізілуде.
«Таза Қазақстан» аясында абаттандыру және экологиялық мәдениетке арналған іс-шаралар ұйымдастырылуда. Бастаманың арқасында қалада көшелерді абаттандыру, жинау, тазалау жұмыстары биыл ереше қарқынмен жүргізілді. Төлеметов көшесінің бойымен «Таза Қазақстан» республикалық акциясы аясында сенбілік жұмыстары жүргізілді.
Жол-көлік саласы қызметкерлері қажетті құрал-саймандарын сайлап, өздеріне тиесілі аумақты тазартып шықты.
«Мұндай іс — шаралар біздің өлкемізді таза ұстауға ғана емес, адамдарды біріктіруге де көмектеседі», — деп атап өтті жол -көлік саласы қызметкерлері. — Азаматтық сана қоршаған ортаны сақтауда шешуші рөл атқарады. Әркімнің балаларының болашағы үшін жауапкершілікті сезінуі маңызды. Сенбілік біз үшін жай ғана тазалау емес, бұл біздің жалпы әл-ауқатымызға қосқан үлесіміз. Бірлескен күш-жігермен біз өз өлкемізді болашақ ұрпақ үшін таза әрі жайлы ете аламыз. Біздің акция бір реттік емес және жалғасады, өйткені ол сонымен қатар маңызды тәрбиелік сипатқа ие».
Жыл сайын қыркүйектің үшінші жұмасында Дүниежүзілік тазалық күні аталып өтіп, әлемнің 130-дан астам елінде қоқыс жинау шаралары ұйымдастырылады. Миллиондаған адам қалалар мен ормандардағы қоқыстарды тазалау үшін жиналады. Осы орайда айта кетсек, көктем басталғаннан бері еліміздің аумақтарын тазалауға және абаттандыруға бағытталған жалпыұлттық экологиялық бастама – «Таза Қазақстан» акциясы өткізіліп келеді. Қазақстан халқын туған табиғатқа қамқорлық жасау идеясының төңірегінде біріктіретін бұл акцияға осы уақытқа дейін үш миллионға жуық адам қатысып, миллион тоннадан астам қоқыс жиналды, 100 мың түп ағаш егілді.
Осылайша сала қызметкерлері мегаполистің қоршаған ортасын таза ұстауға, экологияның жақсаруына қолғабыс жасады. «Таза Қазақстан» бағдарламасы нағыз отансүйгіш жандардың жұмыла атсалысқан бастамасына айналды.
Пікір қалдыру