Бүгін Шардара қаласында сазгер, әнші Лесбек Амановтың 70 жылдығына арналған «Қара бауыр қасқалдақ» атты облыстық ән байқауы өтті. Байқауға аудан әкімінің орынбасары Бауыржан Шомпиев, сазгердің бауыры мен ұл-қыздары қатысты.
Екі кезең бойынша өткен сайыста үміткерлер Лесбек Амановтың шығармаларынан бөлек, қазақ композиторларының әндерін шырқады. Байқау мақсаты – Лесбек Амановтың халық арасында кеңінен танылған әндерінен бөлек, сирек орындалып жүрген шығармаларын жарыққа шығару, жастарды отансүйгіштікке баулу, ән өнерін дамыту, ұлттық рухта тәрбиелеу, сазгердің әндерін кеңінен насихаттау, композиторды еске алу.
Өнер сайысында ҚР Мәдениет саласының үздігі, продюсер, Облыстық мәдениет және халық шығармашылығы орталығының директоры Мейіржан Алиакбаров, күйші, ҚР Мәдениет саласының үздігі Бөрі Иса, композитор, ҚР Мәдениет қайраткері, ҚР Композиторлар одағының Түркістан облысы бойынша төрайымы Құралай Сәтмұхамбетова, ҚР Мәдениет қайраткері, жыршы-термеші Хадиша Мұсабекова, Шәмші Қалдаяқов атындағы облыстық филармонияның әншісі, сазгер, халықаралық байқаулардың лауреаты Азамат Алиакбар қазылық етті.
Байқау қорытындысы бойынша Шардара ауданынан қатысқан «Мерей» ансамблі жеңімпаз атанды. Сондай-ақ, Түлкібас ауданының «Арша» квартеті жүлделі І орынға, шардаралық Сәкен Бегманов пен Нұржан Жигалиев және төлебилік Жорақұл Аңсар мен Бақтыбай Кадиров жүлделі ІІ орынға ие болды. Ал Созақ ауданынан келген Айдос Әлқуат, Мақтарал ауданынан келген Алмасбек Байсейітов және Жетісай ауданынан келген Саним Ермекбаева жүлделі ІІІ орын иеленді. Сонымен қатар Сайрам ауданының «Жалын» тобы облыстық мәдениет және туризм басқармасының арнайы жүлдесімен, Келес ауданынан келген «Келес» тобы Шардара ауданы әкімінің арнайы жүлдесімен, Ордабасы ауданынан келген Елнұр Өскенбек облыстық мәдениет және халық шығармашылығы орталығының арнайы жүлдесімен, Бәйдібек ауданынан келген Қуат Қасен аудандық мәдениет, тілдерді дамыту, дене шынықтыру және спорт бөлімінің арнайы жүлдесімен, Қазығұрт ауданынан келген Нұрхан Байтұрсынов Ж.Кеңесов атындағы арнайы жүлдесімен, Арыс қаласынан келген Нұржан Уалиев М.Жалаңбасов атындағы арнайы жүлдемен және Түркістан қаласынан келегн Нұрбек Абдрахман Лесбек Аманов атындағы арнайы жүлдемен марапатталды. Сондай-ақ ыынталандыру сыйлығы сарыағаштық Нұрлыбек Бұхарбаевқа, отырарлық Сейтқұл Төлешовке, шардаралық Мейірбек Ибадуллаевқа бұйырды.
Түркістан облысы әкімінің баспасөз қызметі
Все реакции:
19Вы, Шардара Ауданы Әкімдігі, Бауыржан Шомпиев и ещё 16
Бүгін Шардара ауданының әкімі Арман Қарсыбаевтың төрағалығымен лездемелік аппараттық мәжіліс өтті. Жиында әр сала бойынша күн тәртібіндегі өзекті мәселелер қозғалды. Арман Романұлы орынбасарлар мен бөлім басшыларынан атқарылып жатқан жұмыстардың есебін сұрап, шаруаларды ширатуды тапсырды. Сонымен […]
Шардара ауданының әкімі Арман Қарсыбаевтың «әр ауыл округте шағын кәсіпорын немесе цех ашу қажет»- деген тапсырмасына сәйкес, Шардара ауданына қарасты Көксу ауылының тұрғыны жеке кәсіпкер Әлтай Заур «Ауыл Аманаты» жобасымен несиелендіріліп, өз кәсібін дөңгелетуде. Қазіргі […]
Түркістан облысының агроөнеркәсіптік кешенін дамытудың 2023-2027 жылдарға арналған іс-шаралар жоспарына сәйкес, 2024 жылға Шардара ауданында 133 бірлік техника сатып алу көзделген. Бүгінгі таңда бұл меже 1,5 есеге артық орындалып, 206 бірлік ауыл шаруашылығы техникасы алынған. […]
Пікір қалдыру