Мегаполистің барлық аудандарында абаттандыру және көгалдандыру, аумақты тазарту және жинау жұмыстары жүргізіліп жатыр. Қаратау ауданы аумағында «Таза Қазақстан» экологиялық акциясы қатышушылардың қарасы көп. Бұл бастаманың негізгі мақсаты – қоршаған ортаны қорғаудың маңызды мәселелері мен экология мәселелеріне жұртшылықтың назарын аудару. Нұртас шағынауданындағы Даналық көшесінде жүргізілген тазалық жұмыстарына 200 адам қатысты. Акция барысында аумақ қоқыстан тазартылып, тұрмыстық қалдықтар сыртқа шығарылды, көгалдар қырқылып, жасыл желек қалпына келтірілді.
Тазалық акциясына қалалық “Amanat” партиясы қызметкерлері, “Жастар рухы” жастар қанаты мүшелері, қалалық мәслихат депутаттары және аудан әкімі аппараты қызметкерлері мен жергілікті тұрғындар қатысып, белсенділік танытты.
Сондай-ақ, Қаратау ауданында акцияға Нұрсат шағынауданының көпқабатты үйлерінің тұрғындары қатысты. Соңғы акциялардың біріне №37-49 үйлердің 400-ге жуық тұрғыны қатысты. Тұрғындар үйлердің аумағын қоқыстардан тазартты. Шағынаудан тұрғындарының негізгі бөлігі акцияға белсенді қатысқан балалар мен жасөспірімдер. Олар үшін акция – ересектерге көмектесу және достарымен, отбасымен бірге ашық ауада уақыт өткізу. Қатысушылар балаларды тазалау жұмыстарына тарту қоршаған ортаға ұқыпты қарауды қалыптастыруға көмектесетінін атап өтті.
Санитарлық шараларға 9 арнайы техника жұмылдырылды. Нәтижесінде көлемі 20 тоннадан астам қоқыс шығарылды.
Республикалық “Таза Қазақстан” экологиялық акциясы аясында Қаратау ауданы аумағында 5 негізгі бағыт бойынша 22 рет тазалық жұмыстары (сенбіліктер) ұйымдастырылды. Алдағы уақытта бұл бағыттағы жұмыстар жалғасын табады.
Республика бойынша жастар ресурстық орталықтары мен жастар ұйымдарының бастамасымен «Таза Қазақстан» экологиялық акциясы басталды. Науқан бес аптаға созылады. Əр аптаның өзіндік атауы мен нақты мақсаты бар.
Науқанның бірінші аптасы «Таза өлке» деп аталады. Бастапқы жеті күн ішінде елдімекендердің тұрғындары, қоғам белсенділері, ұйымдар мен кəсіпорындардың қызметкерлері іргелес аумақтар мен белгіленген аулаларды тазалайды.
«Тазалық – денсаулық кепілі». Осы сөзге жай күндері мән бермейтініміз рас. Бірақ, бүгінде көптеген қатерлі аурулардың көбейуіне экологиялық тепе-теңдіктің бұзылып, ауаның ластануы себеп болып отыр. Ал, бұған қазірде біздің еліміз ғана емес, әлем елдері алаңдаушылық білдіруде. Өйткені, табиғи апат емес, қоршаған ортаға адамзаттың қолымен жасалып отырған залал жер тұрғындарына қауіп төндіріп тұр. Соңғы жиырма жылда әлем халықтарының тұтынған тұрмыстық қалдықтары, соның ішінде полителлиннен жасалған құтылар мен қалталар жердің бетін де, астын да ластап жатыр. Тіпті бойындағы химиялық қоспалардың нәтижесінде ұзақ жылдар бойы шірімейтін бұл қалдықтар жердің демін бітеп, көгал алқаптарды қуратып, құм суырған тақырға айналдыра бастады. Оның зардабын қазірде тартып отырмыз. Енді адамзат мекені – жер шарын апаттан аман сақтап қалудың жалғыз ғана жолы – тазалық сақтау және сол тазалықты әр адам өз ауласынан бастауы тиіс.
Шымкент қалалық №13 балалар мен жасөспірімдер спорт мектебінің ұжымы мен спортшылары «Таза Қазақстан» экологиялық акциясын қолдады. Қазіргі таңда экология мәселесі әлем бойынша өзекті тақырыптардың біріне айналып отыр. Ауа ластануы, судың сапасыздығы, жердің тозуы – осылардың […]
Қаламызда көлік ағыны ең көп көшелердің бірі Қонаев даңғылының Рысқұлов көшесі мен Түркістан көшесі аралығындағы аумағы орташа жөндеуден өтті. 2007 жылы салынған жолдың асфальт жабындысы биыл ауыстырылып отыр. Жолда шұңқырлар пайда болуына байланысты тұрғындардан арыз-шағымдар […]
Бүгін ақпараттық-коммуникациялық орталығында Шымкент қаласы Төтенше жағдайлар департаменті басшысының орынбасары, полковник Ерғали Бахаевтың қатысуымен «Шомылу маусымындағы қауіпсіздік шаралары» тақырыбында онлайн-брифинг өтті. Брифингте, ең алдымен, қауіпсіздік шаралары бойынша жергілікті атқарушы органдар, полиция департаменті және Ұлттық ұланның […]
Пікір қалдыру