фото: ғаламтор желісінен
«Петро Қазақстан Ойл Продактс» жауапкершілігі шектеулі серіктестігі экологияны қорғау және көгалдандыру саласындағы жауапкершілік.
Қазақстан экологиясы үшін маңызды шаралардың бірі — табиғатты қорғау, көгалдандыру және ағаш отырғызу. Бұл тек мемлекет деңгейінде ғана емес, жеке кәсіпорындар мен ұйымдардың да маңызды міндетіне айналған мәселе. «Петро Қазақстан Ойл Продактс» жауапкершілігі шектеулі серікестігі осы салада белсенді қызмет атқарып, экологиялық мәселелерге жауапкершілікпен қарайтын компания ретінде өз үлесін қосып келеді. Зауыттың санитарлық аумағына ағаш отырғызу, сонымен қатар, қаладағы жасыл белдеуді кеңейту мақсатындағы жұмыстары елімізде экологияға бағытталған іс-шаралардың үлгісі болуға тиіс.
«Петро Қазақстан Ойл Продактс» жауапкершілігі шектеулі серіктестігі экологиялық жауапкершілігі үлкен ауқымда көрініс табады. Әсіресе, соңғы бірнеше жылда бұл компанияның аумағында жүзеге асырылып жатқан көгалдандыру жұмыстары, табиғатты қорғау жөніндегі маңызды жобалар қала экологиясын жақсартуға бағытталған. Компанияның «Жасыл белдеу» мекемесімен бірлесіп 1100 түп көшет отырғызуы осы бағыттағы нақты қадамдардың бірі болып табылады. Көшеттердің арасында талшын мен қара ағаш сияқты экологиялық жағынан тиімді өсімдіктер таңдалып отыр. Бұл ағаштар аймақтағы ауа сапасын жақсартуға, оттегін молынан бөлуге және климаттық жағдайларды тұрақтандыруға көмектеседі.
Мемлекет басшысы Қасым-Жомарт Тоқаевтың Қазақстан халқына арнаған Жолдауында экологиялық мәселелерге айрықша назар аударылған болатын. Президенттің тапсырмасын жүзеге асыруда «Петро Қазақстан Ойл Продактс» жауапкершілігі шектеулі серкітестігі өзінің ұстанымына сай көгалдандыру шараларын тұрақты түрде ұйымдастырып, қоғамға экологияны қорғау мен табиғатты сақтаудың маңыздылығын түсіндіріп келеді. Көшет отырғызу науқанының басталуы, әсіресе, өңірлердің санитарлық аумақтарын көгалдандыру және жергілікті тұрғындарға экологиялық білім беру ісінде жақсы нәтижелерге қол жеткізуге мүмкіндік береді.
Компанияның жүргізіп жатқан экологиялық жобалары, ең алдымен, ауаның тазартылуына әсер етеді. Өсімдіктер ауадағы зиянды газдарды сіңіріп, оның орнына оттегін бөледі. Бұл Шымкент қаласының экологиялық ахуалын жақсартуға ықпал етеді, себебі қалада өнеркәсіптік кәсіпорындардың орналасуы мен көлік қозғалысы ауа сапасына теріс әсерін тигізуі мүмкін. Сондықтан зауыттардың санитарлық қорғау аймақтарына ағаш отырғызу — осы саланың экологиялық тұрақтылығын арттырудың бірден-бір жолы.
Сонымен қатар, ағаштар жердің эрозияға ұшырауын алдын алып, топырақтың ылғалдылығын сақтау қабілетін арттырады. Бұл факторлар ұзақ мерзімді перспективада табиғи ортаның тұрақтылығын қамтамасыз ету үшін маңызды. Әсіресе, қаладағы жасыл белдеулер мен аумақтардың кеңеюі, тұрғындар үшін табиғатқа жақын ортаны қалыптастырып, экологиялық сауатты өмір сүруді қолдайды.
«Петро Қазақстан Ойл Продактс» жауапкершілігі шектеулі серіктестігі табиғатты қорғау саласындағы жұмыстарды тек экологиялық мақсатта ғана емес, сонымен қатар қоғам алдындағы әлеуметтік жауапкершілік тұрғысынан да жүзеге асырып келеді. Бұл компанияның даму стратегиясында маңызды бағыттардың бірі болып табылады. Көшет отырғызу жұмыстарының маңызы аймақтың экологиялық жағдайын жақсарту ғана емес, халықтың экологиялық сауаттылығын арттыру, қоғамға экология мәселелері туралы хабардарлықты ұлғайту болып табылады. Бұл өз кезегінде жергілікті тұрғындардың табиғатты қорғауға деген қатынасын өзгертуге ықпал етеді.
Сонымен қатар, өткен жылдардағы тәжірибелер көрсеткендей, «Петро Қазақстан Ойл Продактс» жауапкершілігі шектеулі серіктестігі көшет отырғызу ісін дәстүрге айналдыру арқылы ғана емес, сонымен қатар, әрбір отырғызылған көшеттің жасыл белдеуге тигізетін оң әсерін де бағалайды. Компанияның атқарған жұмыстарының нәтижесі — Шымкенттің жасыл белдеуі бойында отырғызылған 5500 түп ағаш пен зауыттың санитарлық қорғау аймағындағы 2500 түп көшет, сондай-ақ 1000 түп көшет жақын маңдағы елді мекендерге таратылды.
Компанияның экологияны қорғау саласындағы жоспары нақты әрі ауқымды. 2023-2026 жылдар аралығында жүзеге асырылатын табиғатты қорғау шараларының аясында көгалдандыру жұмыстарының көлемі жыл сайын ұлғайып, жаңа міндеттер қойылмақ. Әрбір жылға белгіленген жұмыс көлемі экологиялық жағдайды тұрақтандыруға және қаланың жасыл белдеуін кеңейтуге бағытталған. Компанияның жүргізген жобалары тек аймақтың экологиялық жағдайын жақсартуға ғана емес, сонымен қатар, ұзақ мерзімді перспективаны көздейтін тұрақты даму мақсаттарына да сәйкес келеді.
«Петро Қазақстан Ойл Продактс» жауапкершілігі шектеулі серіктестігі көгалдандыру жұмыстары арқылы Қазақстанның экологиялық жағдайына өз үлесін қосып, алға қойған мақсаттарына жетуде жүйелі түрде жұмыс істеп келеді. Компанияның жасыл белдеуді кеңейту және ағаш отырғызу ісіндегі тұрақты бағыты экологияның сақталуына, ауа сапасының жақсаруына және жергілікті қоғамның экологиялық мәдениетін қалыптастыруға ықпал етеді. Болашақта бұл жобалардың нәтижелері еліміздегі экологиялық ахуалды жақсартуға бағытталған іргелі қадам болып қала береді.
Пікір қалдыру