Қазақ халқының өнеріне деген сүйіспеншілігін арттыру, мәдениетімізді құрметтеуге үйрету, театр және кино өнерінде еңбек етіп жүрген жас таланттардың өмірін студенттерге үлгі ету – осы кездесудің басты себептерінің бірі болды. Осындай шығармашылық кештердің студенттердің тәрбиесіне қосар үлесі орасан зор. Себебі мұндай іс-шаралар өнер сүйер қауымның талғамын қалыптастырып, олардың бойында ұлттық мәдениетке деген құрмет пен мақтаныш сезімін оятады.
Түркістан қалалық мәдениет үйінің «Түркістан» халық театры Ордабасы ауданының 60 жылдығы және «Темірлан» халық театрының құрылғанына 50 жыл толуына орай ұйымдастырылған облыстық «Театр — өмір айнасы» «Халықтық» және «Үлгілі» атағы бар театрлар байқауына жергілікті жазушы, драматург Елтай Бимаханбетұлының «Қырсық келін» драмасымен қатысып, бақ сынады. Аталған байқауға облысымыздың барлық аудан, қаласынан 17 театр қатысып, өз өнерін паш етті. Нәтижесінде «Түркістан Халық театры» «ЕҢ ҮЗДІК РЕЖИССЕР» номинациясына ие болып, 100 мың теңге қаржылай сыйақымен марапатталды.
Театр – өмір айнасы. Ол рухани азық беретін өнеге көзі, тәрбие ошағы. Себебі, киелі сахнада әртүрлі қойылымдар арқылы адам болмысының сан қырлы сипаты, замана келбеті, тарихи оқиғалар және бүгінгі қоғамның өзекті мәселелері көрініс табады. Сан алуан образдар сомдалып, көрерменді ойға жетелейді. Талғамы терең, талабы жоғары көрермен осы арқылы өз болмысын, қоғамдағы орнын саралап, ішкі рухани дүниесін байыта түседі.
Ордабасы ауданындағы «Театр – өмір айнасы» облыстық Халықтық және Үлгілі театрлар байқауы өз мәресіне жетті. Байқаудың салтанатты рәсіміне аудан әкімінің орынбасары Мейрамбек Ақмұратов арнайы қатысып, жарысқа түсуші өнерпаздарға ізгі тілегін білдірді. Үш күнге созылған бұл байқауда 17 қойылым жұртшылықтың назарына ұсынылды. Облысымыздың әр аудан, қаласынан келген театр ұжымдары өзара тәжірибе алмасып, шеберлік сағаттарын өткізіп, шығармашылық байланыстарды нығайтуға зор мүмкіндік алды.
Байқау мақсаты – театрлардың репертуарында жастарды отансүйгіштікке тәрбиелейтін, патриоттық рухты оятатын және заманауи шығармаларды кеңінен насихаттау, театр өнерін жаңа белестерге көтеру. Сондай-ақ бұл шара театрлар арасында тәжірибе бөлісуге, шығармашылық ізденістерді арттыруға, болашақ ұрпаққа өнердің маңызын түсіндіруге сеп болады. Қатысушылар өз өнерлерін тек кәсіби қазылар алдында ғана емес, сонымен қатар көрермен қауым алдында да дәлелдеп, сахна өнерін дамытуға үлкен үлес қосты.
Байқауда Ж.Шанин атындағы Шымкент қалалық академиялық драма театрының режиссері Бекболат Құрманғожаев, Құрманбек Жандарбеков атындағы Жетісай драма театрының бас суретшісі Бақыт Сраилов, Райымбек Сейтметов атындағы Түркістан қаласының сазды драма театрының директоры Арман Алиев, Облыстық мәдениет және халық шығармашылығы орталығының көркемдік жетекшісі Асылхан Темірхан, мәдениет саласының ардагері Құрманәлі Жылқыбай қазылық жасады. Қазылар алқасы қойылымдардың режиссерлік шешіміне, актерлік шеберлік деңгейіне, сахналық безендірілуге және тақырыптың өзектілігіне баса назар аударды.
«Түркістан» Халық театрының жеңісі – олардың өз кәсіби біліктілігін арттырып, сахна өнерін жоғары деңгейде насихаттап келе жатқанының айғағы. Бұл жетістік – театр ұжымының тынбай ізденіп, жаңа дүниелерді жарыққа шығару жолындағы табанды еңбегінің жемісі. Болашақта осы театр ұжымы өнер сапарын кеңейтіп, тек аймақ көлемінде ғана емес, республикалық, халықаралық деңгейдегі байқауларға да қатысып, ұлттық мәдениетімізді әлемге танытуға үлес қоспақ.
Сонымен қатар мұндай шығармашылық бәсекелер жас дарындарды шыңдай түседі. Жас актерлер мен режиссерлер қазылардың ақыл-кеңесін тыңдап, өз қабілеттерін шыңдауға, кәсіби өсуге мүмкіндік алады. Олар классикалық драматургиядан бастап заманауи қойылымдарға дейін түрлі жанрларда өз бақтарын сынап, сахна өнеріндегі тәжірибесін молайтып, дара тұлғалардан сабақ алады. Бұл үрдіс театр өнерінің үздіксіз дамуына, жаңа есімдердің танылуына себепкер болады.
Театр – халықтың рухани байлығы, мәдени мұраны ұрпақтан ұрпаққа жалғастырушы алтын көпір. Осындай байқаулар мен фестивальдер ұлттық өнердің өркендеуіне оң ықпалын тигізіп, көрермендер мен әртістер арасында сенімді байланыс қалыптастырады. Сондай-ақ театр өнері – студенттерді тәрбиелеуде, жас ұрпақтың бойына рухани құндылықтарды сіңіруде аса маңызды құрал екені даусыз. Көрермен қауым мұндай шараларға қатыса отырып, өзін-өзі тануға, өнердің қадір-қасиетін бағалауға үйренеді.
Алдағы уақытта да облыстық, республикалық деңгейдегі театр фестивальдері мен байқаулары жалғасын таппақ. Мұның бәрі отандық театр өнерін жаңа биіктерге көтеріп, ұлттық рухани мәдениетіміздің одан әрі дамуына ықпал етеді. Осылайша театр өнері арқылы халқымыздың дәстүрлі құндылықтарын, ұлттық болмысын, мәдени ерекшелігін әлемдік сахнаға шығарып, рухани жаңғыру жолында маңызды қадам жасалмақ.
Театрдың өнері өрлей берсін! Жергілікті театрларымыздың репертуары кеңейіп, артистеріміздің шығармашылығы жаңа серпін алып, көрермендердің көңілінен шыға берсін! Ұлттық мәдениетіміздің қайнар көзі іспеттес театр өнері әрқашан ұлт руханиятының биігінен көріне беруіне тілекшіміз!
Пікір қалдыру