Тазалықтың — қоғамның айнасы екендігін санаға сіңіріп, ұрпаққа өнеге қылу үлкен міндет. Тазалыққа бойды қалыптастырып, жан-жағындағы күл-қоқыстарды жинап жүрсе болғаны. Баршаға мәлім Қасым-Жомарт Тоқаевтың Жолдауындағы «Таза Қазақстан» акциясынан мектеп оқушылары да қалыс қалмайды.
Қалалық білім басқармасына қарасты №51 жалпы орта білім беретін мектебінде «Таза Қазақстан» тазалық акциясы өткізілді. Ондағы мақсаты — қоршаған ортаны таза ұстап, болашақ ұрпаққа таза табиғат әлемін қалдыру үшін салғырттық танытпауды үйрену.
Табиғат – қоғамның қорғаны. Алғашқы қауымның қазіргі ғарыш дәуіріне дейін адам баласының өмір сүруге қажет барлық мұқтажын табиғат өз қазынасымен жомарттықпен өтеуде. Өміріне, экономикалық –географиялық жағдайына, тарихи дамуына қарай қазақ халқы табиғат қойнауында бірге өсіп, біре қайнасып келе жатыр. Мұндай жақындық оларды табиғаттың бауыры, жанашыры етіп жіберген. Халқтың табиғатты қадірлеп – қастерлеугедеген сезімін бүкіл өмір тағылымына кездестіреміз.
«Таза Қазақстан» бағдарламасы Қазақстан Республикасы Президентінің экологиялық мәселелерге арналған бастамасы ретінде ел аумағында экологиялық мәдениетті қалыптастыруды көздейді. Бұл бағдарламаның басты мақсаты – елімізде қоқысты азайту, қалдықтарды қайта өңдеу, қоршаған ортаның ластануын болдырмау және халықты экологиялық сауаттылыққа тәрбиелеу.
Бағдарлама аясында түрлі экологиялық шаралар өткізіледі, оның ішінде сенбіліктер, ағаш отырғызу акциялары, мектептер ішінде экологиялық білім беру жобалары ұйымдастырылады. Әрбір мектепте экологиялық топтар құрып, оқушыларды табиғатты қорғау жұмыстарына белсене қатысуға шақыру маңызды. Мектепте өткізілген сенбілік те осы бағдарламаның бір бөлігі болып табылады.
Айта кетейік, аталған мектепте экологиялық «Жасыл клуб» жобасы құрылған. Ол қоршаған ортаны қорғауға, ғылыми энергия және ресурс үнемдеу жобаларына, StartUP және экология саласындағы бизнес жобаларға қызығушылық танытатын білім алушылардың ерікті бірлестігі мектеп ауласын тазарту жұмыстарын жүргізіп, арам-шөптерден арылтып, ағаштарды жинады.
«Жасыл клубтың» негізгі мақсаты оқушылардың табиғатқа құндылық көзқарасын қалыптастыру, экологиялық білім деңгейін арттыру, балалардың қоршаған ортаны қорғау және табиғи ресурстарды ұтымды пайдалану мәселелері бойынша хабардар болуы, өскелең ұрпақтың табиғатқа жауапкершілікпен қарауына тәрбиелеу, экологиялық сауатты мінез-құлықты қалыптастыру.
Білім алушылардың жоғары экологиялық мәдениеті мен білімін қалыптастыру;
қоршаған ортаны қорғау мәселелерін шешуде білім алушылардың әлеуметтік белсенділігін арттыру;
оқушыларда экологиялық бағдарланған мінез-құлықты қалыптастыру және тұрақты даму мәселелерін шешуде практикалық дағдыларды игеру;
мектептердің жұмыс тәжірибесіне биологиялық әртүрлілікті сақтау, энергия үнемдеу, су үнемдеу, қалдықтармен жұмыс істеу, қоршаған орта мен атмосфералық ауаның мониторингі жөніндегі іс-шараларды енгізу;
Шымкент қаласындағы 51-жалпы орта мектебінде өткен сенбілік – «Таза Қазақстан» бағдарламасының нақты жүзеге асырылып жатқан бір көрінісі. Бұл шараның арқасында оқушылар экологиялық тәрбие алып, қоршаған ортаға деген жауапкершіліктерін сезініп, табиғатқа қамқорлық жасауға үйренді. Сонымен қатар, мектеп ауласы тазарып, көгалдандыру жұмыстары жүргізілді, бұл оқушыларға табиғаттың қадірін түсінуге мүмкіндік берді.
«Таза Қазақстан» бағдарламасының аясында еліміздің әрбір қаласы мен ауылында осындай шаралар ұйымдастырылып, экологиялық сананы көтеру, қоршаған ортаға деген құрметті арттыру арқылы елдегі экологиялық жағдайды жақсартуға мүмкіндік туады. Әрбір мектеп, әрбір оқушы өз үлесін қосып, туған жеріміздің табиғатын қорғау үшін жауапкершілік танытуы тиіс.
ҚР Үкіметі тарапынан тұрғын үйге мұқтаж азаматтардың жағдайын жақсарту мақсатында тұрғын үйдің жалдау ақысын субсидиялау тетігін енгізу қарастырылған болатын. Шымкентте жалға алынған пәтерді субсидиялауға бөлінген қаржының мақсатты жұмсалуы тексерілуде. Шымкент қаласы тұрғын үй басқармасы жүргізген […]
Абай ауданында тағы да жалпықалалық сенбілік өткізілді. Бұл шараға аудан тұрғындары, коммуналдық қызметкерлер, кәсіпкерлер және белсенді жастар белсене атсалысты. Сенбіліктің аясында бірнеше маңызды жұмыстар атқарылды, оның ішінде Әл-Фараби көшесі, Алматы айналма жолындағы арықтар мен Шымсити […]
Бүгін Шымкент қалалық ішкі саясат және жастар істері жөніндегі басқармасының «Қоғамдық келісім» КММ-нің, Абай ауданы әкімдігінің қызметкерлері “Игілік”, “Тәуелсіздікке 20-жыл” шағын аудандарының ауыл ақсақалдары, көше билерімен кездесті. Кездесуде жалпыұлттық бірлікті ілгерілету, азаматтық келісімді нығайту жөніндегі […]
Пікір қалдыру