Түркістанда ұлағатты ұстаздарды ұлықтауға арналған фотогалерея жасақталды. Өңірдегі білім саласындағы сапаны қамтамасыз ету департаментінің ұйымдастыруымен қолға алынған жобада «Қазақстанның Еңбек Ері» және «Қазақстанның Еңбек сіңірген ұстазы» атағын иеленген ұстаздардың суреттері мен есімдері көрсетілген. Аталған бастама білім саласындағы майталман мамандардың еңбегін бағалап, жас буынға үлгі етуге бағытталған.
Елімізге белгілі ұстаздар Аягүл Миразова мен Алина Соловьевадан кейін семейлік мұғалім Алма Шүкежановаға өткен жылы «Қазақстанның Еңбек Ері» атағы берілуі отандық педагогтер қауымына көрсетілген үлкен құрметтің белгісі. Мемлекет тарапынан жасалған бұл қадамдар — ұлт келбеті болар мұғалімге көрсетілген ерекше қамқорлық.
Пікір қалдыру