1-маусым Халықаралық Балаларды қорғау күніне орай, Шардара қаласынан шомылуға арналған аквасаябақ ашылды.
Демалыс орнының салтанатты ашылу рәсіміне аудан әкімі Арман Қарсыбаев арнайы қатысып, жиылған көпшілікті құттықтап, балақайларға мерекелік ыстық лебізін жеткізді.
«Ауданымызға осындай демалыс орнын салып, тұрғындарды жұмыспен қамтып жатқан азаматтарға өз алғысымды айтамын. Мұндай нысандар салу ауданға инвестиция әкеле отырып, туризмнің де дамуына оң ықпал етеді. Ресми ашылуы балалар күнімен тура келіп отыр. Жаздың аптап ыстығында қаламыздың тұрғындары, әсіресе балалар шомылып, уақыттарын көңілді өткізулеріне зор мүмкіндік. Әрқашан кәсіпкерлерді қолдап, ауданның әлеуметтік-экономикалық дамуы жолында жұмыс істейтін боламз»— деді аудан әкімі.
Сондай-ақ, Арман Романұлы нысанды аралап танысып, кәсіпкерге Алғыс хат тапсырып, жұмысына табыс тіледі. Мереке қарсаңында ашылған аквасаябаққа келген балаларға балмұздақтар таратылып, шомылып, көңіл көтерді.
Айта кету қажет, демалыс орнының жалпы құны 120 млн теңгені құрайды. Нысан жеке инвестор есебінен бой көтерген. Бүгінде мұнда бір мезетте 200 адам демала алады. Ал маусымында 20 адамға дейін жұмыспен қамтылып отырады екен.
Шардара ауданы әкімінің баспасөз қызмет
Пікір қалдыру