Шардара қаласында саябақтар саны тағы біреуге артатын болды. Аудан әкімі Арман Қарсыбаев бүгін тиісті сала мамандарымен бірге жаңа демалыс аймағына арналған жерді барып көрді. Шардара-Шымкент трассасы мен Шардара-Жаушықұм трассасының қиылысқан тұсынан, «Болашақ» шағынауданынан ашылатын саябақта тұрғындардың жайлы демалып, көңілді сейіл-серуен жасауы үшін барлық жағдайлар жасалынатын болады.
Жалпы аумағы 4 гектарға жуықтайтын саябақтың қазығы келесі аптада қағылып, құрылыс жұмыстары басталмақ. Аудан басшысы Арман Романұлы жаңа нысанда жүргізілетін жұмыс жобасын тағы бір пысықтап, құрылыстың сапалы әрі уақтылы аяқталуы қатаң бақылауда болатынын атап өтті.
Жалпы Түркістан облысында Шардара ауданы жағажай туризмін дамытуға қолайлы аймақ екені көптен бері айтылып келеді.Ата-бабаларымыз ежелден саят құрып, жүйрік жарыстырып, құсбегілікті жоғары бағалаған. Теңіздің қадірін білген. Осынау ізгі қасиеттерді жаңғыртатын іс-шаралар жиі ұйымдастырылатын Шардараның жағалауы шетел туристерін қызықтыратын орынға айналуы тиіс және осы бағытта жүйелі жұмыстар жүргізіліп жатыр.
Бір кездері мұзбалақ ақын Мұқағали жырлаған «Шалқадан жатқан Шардараның» бүгіндері тебіреніп, тербеліп, шабыттанып жатқан жайы бар.
Жағажайымен ғана емес, жаңа салынған саябақтарымен де көпшілікті таңғалдыратын болады. Тек туристтер ғана емес, өлкенің тұрғындарына таптырмас демалыс аймағы болады деп сенеміз.
Бүгін «Шипа» жобасы бойынша Түркістан облысының аудан қалаларындағы 300 мұқтаж отбасына дәрі-дәрмек қобдишасы жіберілді. «Nur Otan» партиясы фракциясының депутаттары мен кәсіпкерлердің бұл көмегін «Jas Turkistan» еріктілер клубы мен аудандардағы «жасотандықтар» және жастар ресурстық орталығының […]
Түркістан облысының әкімі Өмірзақ Шөкеев Жапонияның Қазақстандағы Төтенше және Өкілетті Елшісі Тацухико Касаи мырзаны және жапондық Kawasaki мен Marubeni компаниясының өкілдерін қабылдады. Кездесуде тараптар екіжақты қарым-қатынастарды дамыту мәселелерін талқылады. Аймақ басшысының айтуынша, Жапония Қазақстан Республикасы үшін, және […]
Мақтаарал ауданында 9-қазандағы жағдай бойынша аудандық «Ветеринариялық қызметі» тарапынан 24944 құсқа вакцина егу жұмыстары жасалған. Оның ішінде 17730 тауық, 860 үйрек, 547 қаз және 5807 үндік бар. Жалпы ауданда 65199 құс тіркелген болса, қазіргі […]
Пікір қалдыру