Табиғат — бұл бізді қоршаған орта. Қоршап тұрған ортаның таза да көрікті болуы әрқайсымызға тығыз байланысты. Табиғатта өте тамаша бір қасиет бар. Оның өзі бөліп шығарған қалдықтардан адамдардың көмегінсіз-ақ өзін-өзі тазартып алады екен, ал адам баласының бөліп шығарған көң-қоқсығынан ақыл-оймен өмірге келген халық шаруашылығының (ауыл, өнеркәсіп, транспорт, құрылыс) улы, зиянды қалдықтарынан өздігінен тазалануға табиғатта шама жоқ.
Түркістанда жалпықалалық сенбілік өтіп,осынау тазалық пен ұқыптылықты насихаттайтын іс-шараға қаланың барлық мекемелерімен бірге ардагер ағамыз Жұмаділоә Кішібаев бастаған «Түркістан қалалық ақсақалдар алқасы» атты қоғамдық бірлестігінің де мүшелері белсене қатысты.
«Таза Қазақстан» акциясының аясында осы бірлестіктің мүшелері Нәлібаев Тұрғанбай мен Ғалия Қалдыбекова және Зейне Сейсекеева басқарған әрқайсысы 20 адамнан топтар тиісінше өздеріне бекітілген «Шауғар»тұрғын үйлер алқабтарының аумағында орналасқан көше бойлары мен су арықтарын қоқыс- қалдықтардан тазарту жұмыстарын жүргізіп, қала тазалығына өз үлестерін қосты.
Тазалық — баршаға ортақ іс. Туған өлкеміздің тазалығы өзімізге тығыз байланысты. Сондықтан жыл сайын екі рет аудан әкімінің өкімімен абаттандыру, көріктендіру және санитарлық тазалық жұмыстары жүйелі ұйымдастырылады. Оған меншік түріне қарамастан барлық мекеме, бөлім, кәсіпорын ұжымдары жұмылдырылады. Сенбілікте әр ұжым мүшелері өздеріне бекітілген аумақты тазартып, ауданымызда тазалықтың салтанат құруына үлестерін қосуда. Алайда апта сайын өткізіліп жатқан сенбіліктерге қарамастан артынша қоқыстар пайда болып жатады. Тазалық алдымен осы аудандағы тұрып жатқан баршамызға қажет.
Пікір қалдыру