Қазақстанның экологиялық ахуалын жақсарту және табиғатты қорғау мақсатында өткізіліп келе жатқан «Таза Қазақстан» республикалық акциясы – ел тұрғындарына тазалық мәдениетін қалыптастырып, қоршаған ортаға деген жауапкершілікті арттыруға бағытталған маңызды шаралардың бірі. Осындай игі бастамаларға қолдау көрсеткен Шымкент қаласы ішкі саясат және жастар істері жөніндегі басқармасының «Қоғамдық келісім» мекемесі биыл да өз белсенділігін танытты.
Жалпықалалық сенбілік аясында мекеме қызметкерлері мен жұмысшылары Қ.Рысқұлбеков және Б.Момышұлы көшелері аралығындағы Желтоқсан көшесінде тазалық жұмыстарын жүргізді. Сенбілік барысында олар жол жиегіндегі және аяқжол бойындағы қоқыстарды жинап, жапырақтарды тазартты.
«Қоғамдық келісім» мекемесі тек қана өз қызмет саласында емес, қаланың көркейіп, тазалық сақтауына да белсенді үлес қосып келеді. Мекеме басшысының орынбасары Н.Қыпшақбаев сенбілік туралы пікір білдіре отырып:
«Табиғат – біздің ортақ үйіміз. Қаланың тазалығына үлес қосу – әрбір азаматтың борышы. Тазалық – тек сыртқы тәртіптің емес, ішкі мәдениеттің де көрсеткіші. Бұл шара – біздің табиғатқа жасаған үлкен жақсылығымыз. Әрбір тұрғын осындай сенбіліктерге белсене қатысып, өз үлесін қосса, қаламыздың экологиялық жағдайы әлдеқайда жақсаратынына сенімдімін,» – деп атап өтті.
Сенбілікке жиналған қызметкерлер табиғатты таза ұстаудың маңыздылығын ерекше атап өтті. Олардың айтуынша, әрбір азамат өз аумағының тазалығына жауапты екенін түсінуі керек. Бұл тек бір күндік сенбіліктермен шектелмей, күнделікті әдетке айналуы тиіс.
Мекеме қызметкерлері жинаған қалдықтар арнайы қаптарға салынып, Шымкент қаласының коммуналдық мекеме көліктерімен тиісті орындарға жеткізілді. Бұл жерде олар тек тазалық қызметкерлеріне сеніп қоймай, барлық қоғамның жұмыла әрекет етуі керектігін алға тартты.
Қызметкерлер сенбілікте қолдарына сыпырғы, тырмалар алып, белсенділік танытты. Олардың айтуынша, мұндай шараларға қатысу – азаматтық парыз ғана емес, табиғатқа деген қамқорлықтың бір көрінісі.
«Сенбіліктер арқылы біз қоғамның экологиялық санасын оята аламыз. Бұл тек тазалықты сақтау емес, сонымен қатар, жастарға, балаларға үлгі көрсету,» – деді мекеме қызметкері.
Мұндай сенбіліктер тек қала тұрғындарының бірігуіне ғана емес, сонымен қатар, экологиялық тәрбие беруге де мүмкіндік береді. Әсіресе, жас буынның табиғатты құрметтеп, қоршаған ортаны қорғау идеясын ұстануы маңызды.
«Қоғамдық келісім» мекемесінің сенбілікке қатысушылары келесі тазалық акциясын асыға күтетіндерін айтты. Олар мұндай шаралардың ел тұрғындарының экологиялық мәдениетін арттыруда маңызды рөл атқаратынына сенімді.
Сенбілік барысында мекеме қызметкерлерінің айтқандай, әрбір тұрғын өз үйінің айналасын таза ұстап, қаланың көркейіп, гүлденуіне үлес қосуы қажет. Бұл тек мемлекет немесе коммуналдық мекемелердің ғана емес, әрбір азаматтың міндеті.
«Таза Қазақстан» акциясы тек тазалық жұмыстарымен ғана шектелмей, экологиялық сананы қалыптастырып, қоғамның табиғатқа деген жауапкершілігін арттыруды көздейді. Қоғам болып бірігіп, қаламызды таза әрі көрікті етуге үлес қосу – болашақ ұрпаққа қалдырар ең құнды мұра болмақ.
Қаланың жасыл аймақтары мен көшелерінің тазалығын қамтамасыз ету – әр азаматтың жүрек түкпірінде жатуы тиіс идея. Сондықтан да «Қоғамдық келісім» мекемесінің сенбілікте көрсеткен белсенділігі баршамызға үлгі. Алдағы уақытта мұндай игі бастамалар көбейіп, қоғамның әрбір мүшесі өз міндетін терең түсінсе, еліміз таза әрі көрікті бола түседі.
Пікір қалдыру