Тазалық – бұл денсаулықтың негізі ғана емес, қоғамның мәдениеті мен дамуының айқын көрсеткіші. Шымкент қаласындағы №1 қалалық емхана қызметкерлері осы қағиданы ұстана отырып, «Таза Қазақстан» акциясы аясында ұйымдастырылған сенбілікке белсене қатысты. 23 қараша күні өткен бұл сенбілікке емхананың барлық қызметкерлері, соның ішінде дәрігерлер мен мейірбикелер, зертханашылар мен әкімшілік қызметкерлері жұмыла атсалысты.
Сенбілік өткізу үшін арнайы іс-шаралар жоспары құрылып, әр дәрігер мен мейірбикеге белгілі бір аумақ бекітілді. Емхана қызметкерлері өздеріне берілген учаскелерді мұқият тазалап, қоқыстарды жинап, көшелерді ретке келтірді. №1 қалалық емхананың басшылығы бұл шараның маңыздылығын ерекше атап өтті:
«Біз әрдайым тазалық акцияларын қолдаймыз. Қоршаған ортаны таза ұстау – әрқайсымыздың парызымыз. Ұрпақтарымызға таза және көркем табиғат қалдыру – біздің үлкен міндетіміз. Осындай сенбіліктерге қатысу арқылы жастарға үлгі-өнеге болғымыз келеді,» – деді емхана басшылығы.
Сенбілікке ауданға қарасты ауылдық округтерден келген қариялар да қатысып, өз үлестерін қосты. Олар бекітілген аумақты тазалап, өңірдің көркіне көрік қосты.
Дәрігерлер – тазалықтың жаршысы. Олар тек ауруларды емдеумен шектелмей, қоғамда санитарлық мәдениеттің қалыптасуына да үлкен үлес қосады. №1 қалалық емхананың орналасқан жері – Шымкенттің орталық көшелерінің бірі. Қоғамдық көліктер мен жүргіншілер көп жүретін бұл аумақ үнемі тазалықты қажет етеді.
Емхана дәрігерлерінің өздерінің медициналық қызметінен тыс уақытта көшелерді сыпырып, аумақты тазалауға атсалысуы қоғамға ерекше әсер ететіні сөзсіз. Бұл – олардың тазалыққа деген жеке жауапкершілігін және басқаларға үлгі болуға деген талпынысын көрсетеді.
«Сенбілік – барлығымыз үшін маңызды шаралардың бірі. Қаланың тазалығы еліміздің болашағының жарқын болуына әсер етеді. Баршаңызды тазалық жұмысына жұмылуға шақырамын,» – дейді емхана лобаранты Анара Жұмабаева.
Тазалық пен денсаулық – бір-бірімен тығыз байланысты ұғымдар. Дәрігерлер әрқашан санитарлық-гигиеналық нормалардың сақталуын қадағалап, тазалықтың адам денсаулығына әсері жөнінде айтып жүреді. Лас орта – түрлі жұқпалы аурулардың таралуына себепші болатыны белгілі.
Емхана қызметкерлері тазалықтың маңызды екенін түсіндіру үшін өз істерімен үлгі болуды дұрыс көреді. Олар санитарлық тазалықты сақтау арқылы инфекциялық аурулардың алдын алуға болатынын және бұл мәселенің әр адамға қатысты екенін атап өтеді.
№1 қалалық емхананың қызметкерлері тазалық шараларына белсене қатыса отырып, өздерінің кәсіби міндеттерімен қатар, азаматтық жауапкершілігін де атқаруда. Олар үшін тазалық сақтау – тек жұмыс қана емес, қоғамды дамытуға қосқан үлес.
Емхана басшылығы сенбілікке қатысу арқылы жастарды тәрбиелеу, оларға табиғатты қорғау мен тазалықты сақтау жөнінде өнеге көрсету басты мақсаттардың бірі екенін айтты.
Сенбілік тек қаланы тазарту ғана емес, адамдарды бірлікке үндейтін маңызды шара. Дәрігерлер мұндай шараларға қатысу арқылы қала тұрғындарына тазалықтың маңызын және оның денсаулыққа тигізер пайдасын түсіндіреді. Бұл – олардың күнделікті кәсіби қызметінің жалғасы іспетті.
Дәрігерлер мен тазалық – бір-бірімен тығыз байланысты ұғымдар. №1 қалалық емхананың қызметкерлері бұл байланысты өздерінің іс-әрекеті арқылы көрсетіп келеді. Олар сенбіліктерге белсене қатысып, тазалықтың денсаулыққа, қоғамға, тіпті болашақ ұрпаққа тигізер пайдасын насихаттайды.
Мұндай шаралар тек қаланың көркін жақсартып қана қоймай, қоғамның мәдениетін де көтереді. Ақ халаттылардың тазалыққа деген ықыласы – барша тұрғындарға үлгі. Бұл тазалықтың тек сыртқы емес, ішкі мәдениеттің де көрсеткіші екенін айқындайды.
Қаланың тазалығы – елдің болашағының айнасы. Емхана қызметкерлерінің осы бағыттағы еңбегі ұрпақтар үшін жарқын болашақ қалыптастыруға қосылған маңызды үлес болып қала бермек.
Пікір қалдыру