«Азаматтарға арналған үкімет» мемлекеттік корпорациясы Шымкент филиалының жаңа директоры тағайындалды

«Азаматтарға арналған үкімет» мемлекеттік корпорациясы басқарма төрайымының бұйрығымен Шымкент қалалық филиалының директоры қызметіне Исабеков Данабек Ержанұлы тағайындалды — деп хабарлайды «Күнгей.kz» ақпарат агенттігі.  

Исабеков Данабек Ержанұлы 1983 жылы дүниеге келген. 2004 жылы Қазақ мемлекеттік заң академиясын «Заңгер» мамандығы бойынша тәмамдаған. 2008 жылы М. Әуезов атындағы Оңтүстік Қазақстан мемлекеттік университетінде «Қаржы» мамандығы бойынша білім алып шыққан, бұған қоса Аймақтық Əлеуметтік Инновациялық университетінің «Құқықтану» мамандығы бойынша дипломы бар.

Еңбек жолын 2004 жылы Шымкент қаласы бойынша Қазынашылық департаментінің жетекші заң кеңесшісі қызметінен бастаған, 2006 жылы Салық комитетінде қызметін жалғастырған. 2007 жылдан бастап кәсіпкерлік секторында кәсібін жүргізген. 2009-2014 жылдары «Халыққа қызмет көрсету орталығы» шаруашылық жүргізу құқығындағы РМК ОҚО бойынша филиал директорының орынбасары болған. 2014-2016 жылдар аралығында  ОҚО бойынша «Жылжымайтын мүлік орталығы» директоры қызметін атқарған. 2016-2018 жылдары «Азаматтарға арналған үкімет» ОҚО бойынша филиалы «Жер кадастры және жылжымайтын мүлікті техникалық тексеру» департаментінің директоры болған. 2018 жылдан бастап «Азаматтарға арналған үкімет» мемлекеттік корпорациясы» КЕ АҚ Шымкент қаласы бойынша филиал директорының орынбасары болып жұмыс істеген.

Исабеков Данабек Ержанұлы «Әділет органдары жүйесін дамытуға қосқан үлесі үшін», «Азаматтарға арналған үкіметтің құрметті қызметкері», ОҚО әкімінің «Облысқа сіңірген еңбегі үшін» және өзге де маңызды мемлекеттік даталарға орайластырылған медальдар мен төсбелгілер иесі. Отбасылы, 4 қыз тәрбиелеп отыр.

Бірінші болып пікір қалдырыңыз

Пікір қалдыру

Сіздің эл.почтаңыз сайтқа ашық жарияланатын болмайды.


*