2024 жылға Төлеби ауданы бойынша 5 медициналық нысан (Диханкөл, Кеңесарық, Жаңажол, Зертас, Аққұм) салу жоспарланып отыр. Бұл туралы Түркістан облысы әкімінің баспасөз қызметі хабарлады.
Түркістан облысы әкімінің орынбасары Бейсенбай Тәжібаев Төлеби ауданына арнайы іссапармен барды. Аудандағы бірқатар әлеуметтік нысанды аралап, құрылыс барысын бақылады.
Зертас ауылдық округі, Шомшақты елді мекенінде бой көтерген жаңа фельдшерлік-акушерлік пункті, Көксәйек бастауыш мектебінде жүргізіліп жатқан ағымдағы жөндеу жұмыстарымен танысты. Биыл дәл осы елді мекенде тағы бір ФАП құрылысы басталды.
Облыс әкімі Дархан Сатыбалдының қолдауымен аймақтағы мектептер күрделі жөндеуден өтуде. Оған Төлеби ауданындағы мектептер де енгізілген. Бейсенбай Тәжібаев Қазақстан және Б.Биболатұлы жалпы орта мектептері, Қостөбе шағын жинақты жалпы орта мектебінде жүргізіліп жатқан күрделі жөндеудің жұмыс сапасын қадағалады.
Қостөбе шағын жинақты жалпы орта мектебі күрделі жөндеуден өткізілуде. Бүгінгі таңда Мердігер мекеме «Радуга-СН» ЖШС жобалық-сметалық құжатты негізге алып, жұмыстарды өндірістік кестеге сәйкес атқаруда. Қазіргі уақытта тиісті жұмыстардың 70 пайызы орындалды.
Ал Б.Биболатұлы жалпы мектебі 500 оқушыға арналған. Бұл білім ұясын күрделі жөндеуге жобалық-сметалық құжат дайындалып, сараптаманың оң қорытындысы алынған. 2024 жылға 400 млн. теңге қаржы қаралды. Жұмыстар жыл соңына дейін аяқталуы тиіс.
Облыс әкімінің орынбасары ғимараттардың құрылысына жауапты мердігерлермен кездесіп, нысандар талапқа сай болуы және кестеден кешікпеу қажеттігін ескертті. Нысандардың еденінен бастап, шатырына дейін сапалы материалдармен жаңартылуы тиіс екенін жеткізді. Халықтың денсаулығын жақсарту, балалардың сапалы білім алуына қолайлы жағдай жасау бойынша тиісті шаралар жоғары деңгейде атқарылу керектігін ескертті. Бүгінде мектептердің қабырғаларын сылау, едендері ауыстыру, ішкі әрлеу жұмыстары қарқын алған. Пәндік кабинеттер жабдықталуда.
Сапар барысында Кеңесарық елді мекеніндегі «Балауса» балабақшасы мен Керегетас елді мекеніндегі балалар лагеріне табан тіреді. Жазғы сауықтыру лагерінде демалып жүрген балалар, оларға келген ата-аналармер тілдесіп, жай-күйінен хабар алды. Қазіргі таңда лагерде 400 бала жазғы уақытын тиімді өткізіп, демалуда.
Түркістан облысы Арыс қаласының тұрғыны Нұрбек Төлбасы «Еңбек» мемлекеттік бағдарламасы аясында шеберхана ашып, өз ісін дөңгелетіп отыр. Ол зергерлік бұйымдар жасаумен айналысатын шеберхана ашу идеясын ұсынып, бағдарлама шеңберінде 555 600 теңге қаржыға қол жеткізген. […]
По поручению акима Туркестанской области Умирзака Шукеева заместитель главы региона Мейржан Мырзалиев ознакомился с ходом восстановительных работ в Мактааральском районе. На сегодняшний день на стадии завершения строительство домов для жителей, пострадавших от наводнения. В частности, […]
Түркістан облысының жолаушылар көлігі және автомобиль жолдары басқармасының тапсырысымен биыл Шардара ауданында ұзындығы 131 шақырымды құрайтын облыстық маңызы бар 5 жолға жөндеу жұмыстары жүргізілуде. Оның 41 шақырымы күрделі, 90 шақырымы орташа жөндеуден өтуде. Жыл […]
Пікір қалдыру