Мақтаарал аудандық аумақтық референдум комиссиясы мүшелері «Мақтаарал аудандық мүгедектер қоғамы» қоғамдық бірлестігінің өкілімен бірлесе, дауыс беруге арналған үй-жайларда мүгедектігі бар адамдар үшін жасалған жағдайларға зерделеу жұмыстарын жүргізді.
Бұл шараның негізгі мақсаты дауыс беру учаскелерде ерекше қажеттіліктері бар азаматтардың қолжетімділігін қамтамасыз ету және мүмкіндігі шектеулі азаматтардың дауыс беру белсенділігін арттыру болып табылады.
Мақтаарал ауданы бойынша референдумда дауыс беру құқығына ие мүгедектігі бар азаматтар саны – 3626 құрайды. Олардың ішінде дауыс беру кезінде ерекше қажеттілікке ие азаматтар саны – 1299 (кресло-арбаны пайдаланатындар – 110, көруі бойынша – 781, естуі бойынша – 408). Олар аудандағы 62 учаскенің 59-ның дауыс берушілер қатарында бар.
Мақтаарал ауданы бойынша жалпы 62 референдум учаскелері дауыс беруге құқығы бар азаматтарға қызмет етеді және барлық учаскелерде ерекше қажеттіліктері бар азаматтардың қолжетімділігі қамтамасыз етілген.
Аудандағы 62 учаскенің барлығы «Қолжетімді орта» интерактивті қолжетімділік картасына енгізілген. Барлық учаске пандустармен, тактильді жолдармен, мүгедектігі бар азаматтардың автокөлігін қоюға арналған тұрақтармен қамтамасыз етілген. Дауыс беруге арналған үй-жайларда тактильді көрсеткіштер, дауыс беруге арналған арнайы кабиналар орнатылған. Мүгедектігі бар азаматтарға арналған орын қарастырылып, компьютер, құлақаспап, лупа, жарық шамдармен т.б. жабдықталған.
Сурдоаудармашылар тартылған учаскелер саны – 11. Сонымен қатар, дауыс беру күні 3 инватакси, 4 әлеуметтік такси қызметі ұйымдастырылған.
Пікір қалдыру