Өңірлік коммуникациялар қызметінің алаңында Абай ауданының әкімі Сұлтанхан Шәкір Асылханұлы аудандағы тазалық жұмыстары жөнінде кеңінен баяндады. Абай ауданының аумағында тазалық жұмыстарын жүргізу және әлеуметтік қолдау көрсету мақсатында ауқымды жобалар қолға алынды. Бұл шаралар тұрғындардың өмір сапасын арттыруға, қоғамдық тәртіпті нығайтуға және әлеуметтік жауапкершілікті күшейтуге бағытталған.
«Қазақстанымыз таза болуы қажет. Лас елге қонақ ретінде, инвестор ретінде ешкім келмейді. Бірақ ең алдымен Қазақстанның таза, көрікті болғаны біз үшін, яғни халық үшін керек»,-деді Қазақстан Республикасының Президенті Қасым-Жомарт Тоқаев Жолдауда.
Мемлекет басшысының аталмыш жолдауында тазалыққа ерекше ден қойылғаны мәлім. Тазалық болған жерде, қарыштап дамудың болатынын қаперде ұстаған Президенттің бастамасын қолдайтын елдің әр бір тұрғыны өскелең ұрпаққа үлгі. Айта кетейік, Абай ауданы «Таза Қазақстан» экологиялық акциясында Шымкент қаласы бойынша ең көп қоқыс қалдықтары шығарылатын ауданның бірі. Тазалық мекемесі қызметкерлерінің таң атысы мен кеш батысына дейінгі жұмыстарының арқасында тазалық жұмыстары жүйеленіп келеді.
«Таза Өлке», «Киелі Мекен», «Өнегелі Ұрпақ», «Жасыл Аймақ» және «Мөлдір Бұлақ» акциялары аясында тазалық жұмыстары ұйымдастырылды. Тазаланған аймақтар: Асар, Шымсити, А.Асқаров атындағы Дендросаябақ, Қызылжар, Игілік, Көкбұлақ, Алтынтөбе, Бәйдібек би даңғылы, А-2 тас жолы, Қошқар ата өзені және жалғызілікті қариялардың үй аулалары.
Жыл басынан бері жүйелі түрде аудан әкімдігінің ұйымдастыруымен өтіп жатқан сенбіліктердің мақсаты – халықтың экологиялық мәдениетін қалыптастыру, тұрғындарды тазалыққа, қоршаған ортаға жанашырлықпен қарауға шақыру.
Көше бойын, ирригациялық жүйелерді қоқыстардан арылтып, шөптерді ору жұмыстары атқарылды. Аудан әкімдігінің қоғамның орта сапасын дамыту бөлімінің бас инспекторы Ерғали Әбіловтің айтуынша, ауданда тазалық жұмыстарына белсенділік артып келеді.
Жергілікті тұрғындар, шағынауданның ардагерлер кеңесінің мүшелері де экологиялық акцияға белсенді қатысты. Тазалық жұмыстары одан әрі жалғасын табады.
Айта кетейік, «Таза Қазақстан» экологиялық акциясына барша қазақстандықтар үлес қосып, туған жерімізді көркейтуге атсалысуда.
«Шын мәнінде елімізді көгалдандыру, абаттандыру үлкен мемлекеттік маңызы бар іс. Бұл бүгін шығып, ертең ұмытып кететін бірреттік науқан емес. Аталған жұмыс тұрақты түрде жүргізіледі. Туған жерімізді таза ұстауымыз керек. Бұл жалпыұлттық мәселе»,-деді Қазақстан Республикасының Президенті Қасым-Жомарт Тоқаев.
Тазалық жұмыстарының қатарында аудан тұрғындарына әлеуметтік көмек көрсету де назардан тыс қалмады. Аз қамтылған отбасылар, мүгедек күтушілері, қолайсыз отбасылар, тыл ардагерлері және пробация есебінде тұрған азаматтарға демеушілер есебінен 659-дан астам отбасыға азық-түлік түрінде көмек көрсетілді.
Абай ауданында атқарылған осы шаралар тұрғындардың әл-ауқатын жақсартуға, қоғамдық тәртіпті нығайтуға және әлеуметтік жауапкершілікті арттыруға бағытталған. Тазалық пен әлеуметтік көмектің осы ауқымды жобалары аудан тұрғындарының өмір сүру сапасын көтеруге мүмкіндік беруде.
Шымкент қаласы үшін қысқы маусым – ерекше жауапкершілікті талап ететін кезең. Қаладағы ауа райының қолайсыздығы, қар мен мұздың түсуі, көлік қозғалысының қиындауы сияқты мәселелердің алдын алу мақсатында арнайы шаралар қабылданып, қар тазалау жұмыстары басталды. Қысқы […]
Шымкент қаласында білім басқармасына қарасты 701 мекеме жұмыс жасайды — деп хабарлайды «Күнгей.kz» ақпарат агенттігі. Бұл жөнінде Шымкент қаласы білім басқармасы басшысының міндетін атқарушы Айгүл Текебаева мәлімдеді. Оның ішінде 158 мектеп, 501 балабақша бар. Ал, жалпы […]
Шымкент қаласы Полиция департаменті бастығының орынбасары, полиция полковнигі Бахтияр Есжановтың төрағалығымен Еңбекші аудандық Полиция басқармасында ағымдағы жылдың алғашқы жартыжылдығындағы қызмет нәтижелерін қорытындылауға арналған жедел кеңес өтті. Жиынға басқарма басшылығы, бөлімше жетекшілері, учаскелік полиция инспекторлары, тергеу […]
Пікір қалдыру