Абай атындағы ҚазҰПУ-нің қызметкерлері мен профессор-оқытушылар құрамы арасында «Спартакиада — 2024» спорттық іс-шарасы өтті. Айта кетейік, биылғы спартакиада университетіміздің қайта жаңарып жаңғырған спорт кешенінде өткізілді. Бір кездері бұл спорт нысаны жекенің қолына өтіп кеткен болатын. Соңғы жылдары «Заңсыз иемденілген активтерді мемлекетке қайтару туралы» ҚР заңының аясында қайтадан Абай университетіне сот арқылы қайтарылды. Күрделі жөндеу жұмыстары жүргізіліп, спорт зал студенттер үшін қолданысқа берілді.
Спартакиаданың негізгі мақсаты -университет қызметкерлерінің дене шынықтыру белсенділігі мен спорттық жетістіктерін дамыту. Әрі салауатты өмір салтын қалыптастырып профессорлық-оқытушылық құрам мүшелері арасындағы қарым-қатынасты нығайту болып табылады.
Жарысқа жалпы 10 команда қатысты. Олар 8 факультет және университет әкімшілігінен құралған командалар мен қатар әскери кафедра мамандары да бар. Сайыста бақ сынаған командалар арқан тарту, шахмат, стол теннисі және воллейбол спорттық ойындарынан сынға түсті. Бір күнге жоспарланған бұл спартакиада ойындарында «Дене шынықтыру және әскери дайындық» факультеті командасы командалық есепте бірінші орынға ие болды. Ал екінші орындағы күміс жүлдені «Ректорат» командасы жеңіп алса, үшінші орын «Жаратылыстану және география» факультеті қол жеткізді.Жүлделі орындарға ие болған командалар арнайы дипломдармен және кубоктар ақшалай сыйлықтармен марапатталды.
Пікір қалдыру