Бұл жөнінде Шымкент қалалық денсаулық сақтау басқармасының басшысы Нұрлыбек Асылбеков, өзінің «фэйсбуктегі» парақшасында жазды.
Шымкент қалалық №1 клиникалық аурухана – мегаполистегі ірі көпбейінді аурухана. Мұнда жоғары технологиялық медициналық қызмет көрсету сапасы уақыт талабына сай дамып келеді.
Айта кету қажет бүгінде ауруханаға білікті мамандар қайта орала бастаған. Атап айтқанда Сәбитхан Байтеміров, Дәурен Қабылов, Тайбек Садықов, Алибеков Батырбек сынды білікті хирургтар бүгінде қалалық №1 клиникалық ауруханада еңбек етіп, жоғары мамандандырылған оталарды жасауда біліктіліктерін көрсетіп жатыр.
Ауруханада бауыр мен бүйрекке қатарынан екі трансплантация жасалды және құрсақ қолқасының аневризмасын эндопротездеу операциясы сәтті өткізіліп, ауыр дертке шалдыққан науқастар емделді.
Биылғы 31 қаңтар күні аурухана дәрігерлері бауыр трансплантациясын жасады. Ағзасын алмастырған науқас бір жылдан бері ауырады, сырқаттың басталуы ісік-асцит синдромынан басталған, екі рет өңештің венасынан қан кеткен. Бауыры жарамай, денсаулығына қауіп төнген науқасқа дәрігерлер баласының бауырын салып берді.
«Сондай-ақ, 8 ақпан күні аурухана базасында бүйрек трансплатациясы жасалды. Ағза алмастыру отасынан кейінгі рецепиент пен донордың жағдайы жақсы. Тағы айта кетерлігі, №1 клиникалық аурухана дәрігерлері алғаш рет қан тамырлар хирургиясы бойынша тың әдіспен ота жасап, денсаулығына қауіп төнген науқастың өмірін алып қалды»,— деп жазады ол өз парақшасында.
Сонымен қатар, қаланың бас дәрігері құрсақ аневризмасының жарылуы анықталып, науқасқа жедел көмек көрсетіліп, күрделі операция сәтті жасалғанын да хабарлады.
Түркістан облысы мен аудандарда дәрілердің келуін және тиісті мекемелерге дұрыс таратылуын, дәріханаларда белгіленген бағада сатылуын қадағалайтын арнайы штаб құрылған. Қазір күнделікті қоймадан дәрілердің ауруханалар мен дәріханаларға үлестіру жұмыстарын, сондай-ақ дәріханаларда сатылу бағасына мониторинг жұмыстары […]
Мемлекет басшысының тапсырмаларын орындау және ұсақ құқық бұзушылықтарға «мүлдем төзбеушілік» қағидатын жүзеге асыру аясында Шымкентте «Таза Қазақстан» жобасына тұрақты түрде қолдау көрсетілуде. Полиция қызметкерлері әкімдік қызметкерлерімен бірлесе отырып, қоғамдық орындарды ластаушы тәртіп бұзушыларды анықтап, жауапкершілікке […]
Шымкентте кезекті «Таза Қазақстан» республикалық экологиялық бағдарламасы аясында кең ауқымды тазалық іс-шарасы өтті. Бұл бағдарлама Мемлекет басшысының бастамасымен қолға алынған және халықтың экологиялық мәдениетін көтеруге, жастарды Отаншылдық рухында тәрбиелеуге, сондай-ақ ел мен жерге деген жанашырлық […]
Пікір қалдыру