Келес ауданында «Ауыл –Ел бесігі» бағдарламасы шеңберінде 28 шақырымды құрайтын 30-қа жуық ішкі көшелерге орташа жөндеу жұмыстары жүріп жатыр. Біртілек ауылдық округінде — 18 көше, Ошақты ауылдық округінде — 7 көше, Қошқарата ауылдық округінде — 3 көше. Қазіргі таңда 15 ішкі көшеге орташа жөндеу жұмыстары жүргізілуде. Айта кетерлігі, «Ұлттық жол активтер сапасы орталығы» РММ Түркістан облысы бойынша филиалы тарапынан салынған жолдың сапасына қатысты сараптама жұмыстары атқарылуда.
Бұдан бөлек, 2023 жылдан 2024 жылға өтпелі болған 1 елді мекенде 8,5 шақырымды құрайтын 12 көшеге орта жөндеу жұмыстары жүргізілді. Сонымен қатар, жергілікті бюджет есебінен аудан аумағындағы 37,6 шақырым жолға шағал тас төсеу жұмыстары атқарылып жатыр.
Пікір қалдыру