Республика күніне орай қаламызда 100 түп ағаш отырғызылды. «Таза Қазақстан» жобасы аясында ұйымдастырылған шараға Түркістан облысының әкімі Дархан Сатыбалды, қала әкімі Әзімбек Пазылбекұлы, зиялы қауым өкілдері, депутаттар, Түркістан қалалық өзбек этно-мәдени бірлестігі, мемлекеттік қызметшілер, коммуналдық сала өкілдері мен қала тұрғындары қатысты.
Орталық мешіт ауласына, «Керуен сарай» маңындағы «Арена» алды мен туризим университетінің жанына сәндік ағаштар, бозарша, қарағаш, шаған, үйеңкі, сынды ағаш түрлері отырғызылды.
Игі бастамаға қолдау білдірген облыс әкімі Дархан Сатыбалды көппен бірге ағаш көшеттерін егіп, ағаш отырғызу – экологиялық таза болашаққа жасалған маңызды қадам екенін атап өтті. Әрбір тұрғын тазалықты өз ауласынан бастап, қала аумағын жасыл желекпен көмкеруге үлес қосу керектігін жеткізді.
Осыған дейін облыс әкімінің тапсырмасымен елді мекендерді көгалдандырудың 2022-2024 жылдарға арналған іс-шара жоспары бекітілген болатын.
Бүгінде Түркістанды көгалдандыруда жүйелі жұмыстар атқарылуда.
Айта кетейік, Түркістан қаласында көгалдандыру бағытында өткен жылы жүйелі жұмыстар атқарылды. 2023 жылдың көрсеткіші бойынша шаһарға 314 мың дана ағаш көшеті отырғызылды. Сонымен бірге қаланың орталық алаңдары мен скверлерін абаттандыруға айрықша назар аударылды. Мәселен, қала көшелері, саябақтары, скверлері, аллеялары мен гүлзарларда 62 мың дана түрлі көпжылдық және бір жылдық гүл көшет егілді. Сондай-ақ 379 гектар аумақта ағаштарды дәрілеу өңдеу тыңайтқыштармен қоректендіру жұмыстары жүргізілсе, 17 925 дана ағашқа санитарлық және авариялық кесу жұмыстары жүргізілді. Қаладағы 62 саябақ, сквер, аллеядағы кіші сәулет мүсіндері мен саябақ құрылыстары (орындық, жарықшамдар, мүсіндер т.б) аяқжолдар мен балалар ойын алаңдары боялып, қайта қалыпқа келтіру жұмыстары атқарылды. Одан бөлек, қала аумағындағы 82 субұрқақ қысқы маусымға дайындық ретінде консервациялық жұмыстардан өтті.
Түркістан облысының әкімі Өмірзақ Шөкеевтің төрағалық етуімен аппараттық мәжілісте осындай міндет қойды. Күн тәртібінде әуежайдың және онда баратын автомобиль жолының құрылысы мен көлік инфрақұрылымының жоспары, Түркістан қаласының әкімшілік-іскерлік және мәдени-рухани орталығында бой көтеріп жатқан нысандардың […]
Түркістанда Қазақстан халқы тілдері күні мерекесіне арналған «Тіл – ұлт қазынасы» атты іс-шара өтті. Мерекелік жиында сөз алған Түркістан қалалық мәдениет, тілдерді дамыту, дене шынықтыру және спорт бөлімінің басшысы Қадырболат Мұсағалиев көпшілікті атаулы мерекемен құттықтап, […]
Түркістан облысында өндіріс орындарын ашу, инвестиция тарту, жаңа өндіріс орындарын көбейтуге басымдық берілген. Осы бағытта жан-жақты жұмыс жүруде. Бүгін Түркістан облысының әкімі Дархан Сатыбалдының төрағалығымен өңірдегі индустриалды аймақтар мен «Turan» арнайы экономикалық аймағын инфрақұрылыммен қамту, […]
Пікір қалдыру