Бүгінде Кентау қаласында 38 көпқабатты тұрғын үйде күрделі жөндеу жұмыстары жүргізіліп жатыр. Жалпы қалада жыл сайын «Тұрғын үй-коммуналдық дамытудың 2020-2025 жылдарға арналған Нұрлы жер мемлекеттік бағдарламасы» аясында көпқабатты тұрғын үйлер күрделі жөндеуден өткізілуде. Бүгінгі таңда 266 көпқабатты тұрғын үйлердің шатыры, кіреберістері, қасбеті, жертөледегі инженерлік жүйелері толығымен жаңғыртылды.
Айта кетсек, Кентау қаласы бойынша 376 көпқабатты тұрғын үй бар. Оның 344-і қалада, 34-і ауылда орналасқан. Жалпы 2014 жылы «Тұрғын үй-коммуналдық шаруашылығын жаңғыртудың 2011 — 2020 жылдарға арналған бағдарламасы» аясында 9 көпқабатты тұрғын үйдің шатырлары күрделі жөндеуден өткен. Ал, 2017 жылы «Өңірлерді дамытудың 2020 жылға дейінгі бағдарламасы» аясында 35 көпқабатты тұрғын үй күрделі жөндеу жұмыстары жүрді.
Пікір қалдыру