Түркістан облысында электрондық түрдегі қызметтің үлесі 86 пайыздан асты. Мемлекеттік қызметтердің тізіміне енген 723 қызметтің 389-ы облыста көрсетіледі. Оның 192-сі жергілікті атқарушы органдармен, 197-сі орталық мемлекеттік органдардың аумақтық бөлімшелері арқылы іске асырылған. Бұл туралы 2019 жылы атқарылған жұмыстарын қорытындылаған ҚР Мемлекеттік қызмет істері агенттігінің Түркістан облысы бойынша департамент басшысы, Әдеп жөніндегі кеңес төрағасы Болат Исақов Өңірлік коммуникациялар қызметінде өткен брифингте мәлімдеді.
Департамент басшысының айтуынша, жергілікті атқарушы органдардың көмегімен былтыр 11 709 161 қызмет көрсетіліп, электронды түрдегі қызметтің үлесі 86,1 пайызды құраған. Бұл көрсеткіш 2018 жылмен салыстырғанда 1,1 пайызға артқан.
«Жалпы былтыр Түркістан облысының мемлекеттік қызметкер көрсету саласында 73 тексеру жұмыстары жүргізіліп, нәтижесінде 1704 бұзушылық анықталды. Бұл алдыңғы жылмен салыстырғанда 30 пайызға төмендегенін көрсетеді. Осы заң бұзушылықтарды жою мақсатында Департамент тарапынан 151 нұсқама енгізіліп, 49 қызметкерлер әртүрлі тәртіптік жауапкершілікке тартылды», – деді Б.Исақов.
Сондай-ақ, өткен жылы облыста «Цифрлы агент» (Digital agent) мобильдік қосымшасы арқылы 150 мәселенің шешімі табылды. Департамент мамандары бақылау бағытында 95 тексеру жұмыстарын жүргізіп, нәтижесінде мемлекеттік қызмет саласындағы 225 бұзушылықты анықтаған. Бұл ретте 66 ұсыныс беріліп, 58 тұлға тәртіптік жазаға тартылған және тексерудің қорытындысымен қызметтік Әдеп нормаларын сақтамаған 8 лауазымды тұлғаның мәселесі Әдеп кеңесінде қаралып, тиісінше тәртіп жазаларға тартылған.
Сонымен қатар, департамент мамандарының қатысуымен Мемлекеттік қызмет саласындағы бақылау бағытында 610 жеке және заңды тұлғалардың арызы қаралған. Нәтижесінде құқығын қалпына келтіруді сұраған жеке және заңды тұлғалардың 35 өтініші зерделеніп, 20 жеке тұлғаның құқықтары қалпына келтірілген.
Айта кетейік, жалпы 2019 жылы Әдеп жөніндегі кеңестің 10 отырысы өткізіліп, кеңес отырысында 123 мәселе қаралған, оның 88-і тәртіптік іс. Өз кезегінде, Әдеп жөніндегі кеңес шешімдерімен тәртіптік жауапкершілікке тарту туралы 58 ұсыныс жолданып, 57 кінәлі қызметшілерге тиісті тәртіптік жаза қолданылған. Тәртіптік істер 2018 жылмен салыстырғанда 54% өсіп, Әдеп жөніндегі кеңесте қарауға ұсынылған материалдардың саны өткен жылмен салыстырғанда 7,8 % артқан.
Түркістан облысы Өңірлік коммуникациялар қызметі
Ұқсас жаңалықтар

ШЫМКЕНТКЕ ТҮРКІСТАНДЫҚ ШАРУАЛАР ӨНІМДЕРІН КЕДЕРГІСІЗ КІРГІЗІП ЖҮР
Шымкенттегі санитарлық бұғаттау бекеттерінен көкөніс тиеген көліктер кедергісіз өтіп жатыр. Тіпті әкімдік қызметкерлері шаруаларға өнімін қай базарға апарып сату тиімді екенін түсіндіруде. Өйткені қала әкімі М.Әйтенов төтенше жағдай кезінде халықтың қажеттелігін қамтамасыз ету мақсатында арнайы […]

ЕГІСТІК ӨНІМІНІҢ КӨБЕЮІ — ЭКОНОМИКАНЫҢ ӨСУ БЕЛЕСІНІҢ КӨРСЕТКІШІ
Түркістан облысында ауыл шаруашылығында жалпы өнім көлемі 802,6 млрд. теңгені құрап, республика бойынша алдыңғы орынға шықты. Түлкібастағы Жаскешу ауылында орналасқан «Серғазы» шаруа қожалығының төрағасы гектарына 30 центнерге жуық бидай өнімін алуда. Ал, Арыс ауылдық округіне […]

«TURKESTAN CUP – 2024» Халықаралық турнирінің жеңімпаздары анықталды
Түркістанда Октябрь Жарылқапов атындағы стадионда “TURKESTAN CUP – 2024” атты футболдан халықаралық турнирдің екінші кезеңі өтті. Турнир «Түркістан – Түркі әлемінің туризм астанасы» бағдарламасы аясында ұйымдастырылып, 2010, 2011, 2013-2014 және 2015-2016 жылы туған жасөспірімдер арасындағы […]
Пікір қалдыру