Бұл туралы бүгін ақпараттық-коммуникациялық орталықта өткен брифингте Шымкент қаласы ауылшаруашылығы және ветеринария басқармасының басшысы Асқар Қаныбеков мәлім етті.
Шымкент қаласында ағымдағы жылдың 2 айында ауыл шаруашылығы экспортының көлемі 23,5 млн. АҚШ долларын құрап, өткен жылмен салыстырғанда 1,0% немесе 0,5 млн. АҚШ долларына артты. 2020 жылдың 2 айында мал шаруашылығы бойынша тірідей 839 бас ІҚМ, 380 бас уақ мал, өсімдік шаруашылығы бойынша 3449 тонна басты пияз, 522 тонна томат, 512 тонна қырыққабат (капуста), 135 тонна тұрып (редька), 40 тонна сәбіз, 13 558 тонна ұн, 20 764 тонна картоп, және т.б. экспортталған.
Басқарма басшысының мәлімдеуінше, инвестиция және несиелендіру бойынша жыл соңына дейін ауыл шаруашылығы саласында жалпы құны 7,6 млрд. теңгені құрайтын 17 инвестициялық жоба іске асырылады. Оның ішінде қарқынды алма бағы — 1, жылыжай салу — 4, тауарлы сүт фермасы — 2, ешкі сүтін өндіру және қайта өңдеу — 1, құс шаруашылығын кеңейту — 4, жеміс-көкөніс өнімдерін қайта өңдеу — 2, сүтті қайта өңдеуді кеңейту — 1, мал бордақылау алаңын салу және кондитерлік өнім өндіру.
Бұдан бөлек, «Аграрлық Несие Корпорациясы» АҚ арқылы 260 млн теңгеге 6 жоба және «Қарапайым заттар экономикасы» бағдарламасымен 723,5 млн. теңгеге 23 жоба бойынша жеңілдетілген несие қарастырылды. Оның ішінде 102,3 млн. теңге мемлекет тарапынан субсидияланған. Аталған бағытты қолдауға республикалық және жергілікті бюджеттен 2 280,5 млн теңге, несиенің сыйақы мөлшерлемесін субсидиялауға 500,0 млн теңге, ауыл шаруашылығы өнімдерін қайта өңдеуге 164,3 млн теңге бөлінген.
«Азаматтарға арналған үкімет» мемлекеттік корпорациясының» Шымкент қаласы бойынша филиалында «Мен — Донормын» қайырымдылық акциясы өткізді — деп хабарлайды «Күнгей.kz» ақпарат агенттігі. Филиал кеңсесіне Қан қызметінің көшпелі бригадасы келіп, корпорация қызметкерлері жұмыс процесіне алаңдап, кедергі келтірмей […]
Қала аумағындағы көшелердің шұңқырлары жамалып, күтіп ұстау жұмыстары жүргізілуде. Бригадалар бірінші кезекте көліктердің қауіпсіздігіне әсер ететін орталық магистрал және ішкі орам көшелеріне жөндеу жұмыстарын жүргізуде. Сонымен қатар жол қозғалысына қолайлы болу үшін жоспарланған 400 қалқымалы […]
Еліміздің үшінші мегаполисі жасыл желекке оранған, қызылды-жасылды гүлге толы ерекше қала екені белгілі. Айта кеткен жөн, шаһарды одан сайын гүлдендіріп, көркейту, мегаполистің микроклиматын қалыптастырып, жасыл желекті көбейту мәселелерін қала әкімі Ғабит Сыздықбеков тікелей өз бақылауында […]
Пікір қалдыру