Шуақты Шымқала заман талабымен үндесіп, көркейіп келеді. Осы бағытта мегаполис аумағында ауқымды жұмыстар атқарылуда. Тазалықты сүйетін қатысушы азаматтар шаһарымыздағы көше, аула бойлары, өзен жағалауларын қалдық — қоқыстардан тазартып, ағаш түптерін әктеп, ортақ үйіміздің әсемденуіне бір кісідей атсалысты. Халықпен бірге болып, мерекелік көңіл күйде арық атыздарды тазалап, бұлақтардың да көзін ашты.
Шымкент қаласының әкімі Ғабит Сыздықбековтің бастамасымен қолға алынған «Таза қала өзіңнен басталады» акциясы аясындағы бүгінгі сенбілікте Фосфоршылар сарайының аумағын 1000-ға жуық адам қоқыстан тазартты. Тазалық шараларына қала әкімінен бастап мемлекеттік қыметшілер, кәсіпкерлер, еріктілер, мәслихат депутаттары, қоғамдық кеңес мүшелері, ардагерлер мен тұрғындар белсене қатысты.
—Фосфоршылар сарайының төңірегі жабайы тоғайға айналғаны туралы көптен бері мәселе көтеріп, аудан мен қала әкімдеріне жеткізіп келдім. Осынша уақыттан кейінгі жан-айқайымызға Ғ.Сыздықбеков құлақ түріп, міне бүгін өзі бастап сенбілік ұйымдастырып отыр. Бір кездері мәдениеттің ошағы болып, бүгінде қараусыз жағдайға жеткен сарайдың айналасы тазарғанына қуанып отырмын, — дейді шаһардың белсенді ардагері Өркен Әбдіреев.
Төрт секцияға бөлінген аумақтағы жұмыстарға аудандық коммуналдық мекемелердің қызметкерлері мен 50-ден астам техника жұмылдырылды. Ал жалпы қала аумағындағы тазалық жұмыстарына 60 мыңға жуық адам үлес қосты.
—Бүгін қоршаған ортаға немқұрайлы қарамайтын азаматтардың көмегімен бұл аумақта тазалық жұмыстары атқарылып жатыр. Жалпы, осындай сенбілік қаланың әр нүктесінде тұрақты ұйымдастырылатын болады. Одан кейін тазаланған орындарға ағаш көшеттері отырғызылады, — дейді қалалық жайлы ортаны дамыту басқармасы басшысының міндетін атқарушы Әбілқайыр Оңғар.
Бұл бағыттағы шаралар барлық аудан аумақтарында тұрақты түрде әр сенбіде ұйымдастырылады. Қураған ағаштардың орнына жасыл желектер отырғызылып, тазарған аумақтар көгалдандырылады. Акция қазан, қараша айында жалғасады.
Шымкент қаласында ағымдағы жылы 1 млн дана біржылдық гүл егу жоспарланып отыр. Бүгінде қаланың орталық көшелері, айналма жол, жол бұрылыстары және вазондарда гүл отырғызу жұмыстары қарқынды жүріп жатыр. Атап айтқанда, Бәйдібек би және Т.Рысқұлов көшелерінің […]
Президент Қасым-Жомарт Тоқаевтың тапсырмасымен саяси қуғын-сүргін құрбандарын ақтау жөніндегі мемлекеттік комиссия құрылатын болды. Бұл жөнінде бүгін Мемлекет басшысы Саяси қуғын-сүргін құрбандарын еске алу күніне орай жолдаған үндеуінде айтты. Мен тарихшы ретінде Президенттің бұл бастамасын қолдаймын. […]
Қаламыздың шырыайын кіргізіп, көркіне көрік қосып тұрған жасыл желек, бір жағынан әдемілікті әсерелеп тұрса, екінші жағынан ауаның тазаруына сеп болады. Мұндай жұмысбір Шымкентте ғана емес, ауыл-аймақта да қолға алынған. Кейінгі үш жыл ішінде 9 мың […]
Пікір қалдыру