Облыс әкімінің орынбасары Ертай Алтаев Түлкібас аудынына жұмыс сапарымен келіп, аудан аумағындағы өзі жетекшілік ететін мәдениет және спорт, ішкі саясат саласындағы өзекті мәселелермен танысты.
Бірінші кезекте облыс әкімінің орынбасары облыстық мәдениет басқармасының басшысы Әзімхан Қойлыбаев, аудан әкімі Нұржан Ізтілеуов және тиісті басқармалардың мамандарымен бірге ұлғайтуды қажет ететін Майтөбе ауылындағы балалар спорт мектебіне табан тіреді.
1995 жылы бой көтерген спорттық нысанда бүгінгі таңда футбол, баскетбол, волейбол және бокс үйірмелері ауыл жастарының бос уақытын тиімді өткізуге ықпал етуде.
Нысанды аралау барысында аудан әкімі аталған спорт мектебінің жанынан футбол клубын ашу ұсынысын жеткізіп, оған қажетті сол маңда бос тұрған ғимараттарды қайта жаңғыртуға және футбол алаңын заман талабына сай етуге ықпал жасауын сұранды. Ертай Кенжебекұлы ұсынысты назарға алып, тиісті мамандармен жан-жақты зерделенетіндігін жеткізіп, демеушілер есебінен жүзеге асыру жағын да қарастыруды керектігін атап өтті.
Содан соң, облыс әкімінің орынбасары Түлкібас кентіне ат басын бұрып, ол жердегі мәдениет үйінің бүгінгі жағдайымен танысты. Өткен ғасырдың 1927 жылы бой көтерген ғимаратқа бүгінгі таңда ағымдағы жөндеу жұмыстары басталған. Бұл жерде ғимараттың шатыры жаңартылып, жылыту жүйесі және ішкі-кем кетіктері реттелмек.
Келесі кезекте облыс әкімінің орынбасары Жәрімбетов ауылындағы балалар спорт мектебінің ғимаратына барды. 2015 жылы бой көтерген ғимарат сыртқы келбетін және шатырын реттеуді қажет етеді. Оған биыл қажетті қаржы қарастырылып, қазіргі таңда сатып алу конкурсы арқылы мердігерді анықтау жұмыстары жүргізілуде.
Ертай Кенжебекұлы аталған ғимаратты жауаптылармен бірге толық аралап шығып, ішіндегі біршама кем-кетік тұстарын реттеу бойынша нақты тапсырмалар жүктеді.
Бұдан бөлек, облыс әкімінің орынбасары іссапары барысында Шақпақ-баба ауылындағы тозығы жеткен балалар спорт мектебінде, Құлан ауылындағы апатты жағдайдағы мәдениет үйінде, орталық мешіт пен жастар ресурстық орталығында болып, жұмысымен танысты.
Аралау барысында өзінің жетекшілік ететін салаларына қатысты жауапты басшыларға біршама тапсырмалар жүктеп, оны шешу жолдары бойынша ұсыныстар беруді тапсырды.
Халық тұтынатын азық-түліктің сапалы болғаны өте маңызды. Әсіресе жаз мезігілінде адамдардың жеміс-жидекке, тамаққа улануы жиі кездеседі. Осының салдарынан олар ауруханаға түсіп, әбігерге түсіп жатады. Осы мәселені болдырмау үшін азық-түлік сапасы жіті қадағалау керек. Тексеріс барысында […]
ТҮРКІСТАН: АУДАН, ҚАЛА ӘКІМДЕРІ ТҰРҒЫНДАРМЕН КҮНДЕЛІКТІ ТІКЕЛЕЙ ЭФИРГЕ ШЫҒАДЫ Қазіргі таңда, «COVID-19» пандемиясының кең таралуының алдын-алу мақсатында Түркістан облысында жүйелі жұмыстар атқарылуда. Пандемиямен күрес кезіндегі қолға алынған шаралар және алдыңғы кезектегі мәселелермен тұрғындарды ақпараттандыру да […]
ҚҰРМЕТТІ ҚАЛА ТҰРҒЫНДАРЫ! Қала аумағын жарылғыш заттардан тазарту үшін, 44859 әскери бөлімінің техникалық аумағында, тасымалдауға аса қауіпті болып табылатын жарылғыш заттарды жою бойынша жоспарлы залалсыздандыру жұмыстар жалғасуда. Ол үшін әскери бөлімнің техникалық аумағында арнайы орын […]
Пікір қалдыру