«Фараб» ғылыми- әмбебап кітапханасында Ер түріктің бесігі атанған, облыс орталығы Түркістанның Қала күні мерекесі аталып өтті. Кіре беріс фоэде «Яссы» халықтық этно фольклорлық ансамблі күмбірлеген күйлерден өнер көрсетіп, «Түркістан» тақырыбында фотосуреттер көрмелері мен түрлі қолөнер бұйымдары — ағаш, тоқыма, зергерлік, құм, жүннен және киізден жасалған бұйымдар мен кітап көрмелері ұйымдастырылды.
Шара шымылдығы Түркістанның кешегісі мен бүгіні жайлы бейнероликпен ашылып, әуезді әндер, қойылым-көрініс және мың бұралған бимен жалғасты. Қала әкімінің орынбасары Қырықбаев Мекенхан Қозыханұлы арнайы құттықтау сөз сойлеп, қалаға еңбегі сіңген бірнеше азаматтар мен азаматшаларға мерекелік марапат табыстады.
Сонымен қатар арнайы күзгі өнімдер мен дәнді дақылдар ұсынылып, «Белсенді ұзақ өмір» орталығының әжелері келген қонақтарға шашу шашты. Қазақтың ұлттық киім үлгілері мен ұлттық өнерімізді дәріптейтін қолөнер бұйымдарынан Дефиле сән өнері тарту етілді.
Қала күнін мерекелеуге арналған шараны қаламызға белгілі зиялы қауым өкілдері, халық қалаулылары, «Әжелер алқасының» ұжымы және әр сала қызметкерлері тамашалады.
Пікір қалдыру