WTM London 2024 – әлемнің түкпір-түкпірінен келген туризм саласының өкілдерін жинайтын ең ірі халықаралық туристік көрме болып табылады. Бұл іс-шара туристік индустрияның қазіргі тенденцияларын талқылау, жаңа серіктестіктер орнату және инновациялық идеяларды ұсыну мақсатында өткізілуде. Биылғы жылы көрмеге Қазақстан Республикасының атынан Түркістан облысы да белсенді қатысуда. Аталған көрмеде Түркістан облысының Туризм басқармасы, Түркістан қаласының әкімдігі және «Open Turkistan» туристік ақпараттық орталығы ЖШС аймақтың бірегей туристік әлеуетін ұсынуда.
WTM London халықаралық көрмесі Туркистанның мәдени және тарихи мұрасын әлемге таныстыру үшін тамаша мүмкіндік болып табылады. Түркістан облысы өзінің бай тарихи және мәдени мұрасы, әсем табиғаты, заманауи инфрақұрылымы және қонақжайлылықпен танымал. Аймақтың туризм саласындағы потенциалы зор, себебі Түркістан ежелгі сәулет ескерткіштері мен бірегей мәдениетті қамтитын әртүрлі туристік бағыттарды ұсынады. Мысалы, Түркістандағы Қожа Ахмет Яссауи кесенесі ЮНЕСКО Бүкіләлемдік мұра тізіміне енген және оны әлемнің түкпір-түкпірінен келген туристер жиі қонып келіп жатады. Сонымен қатар, аймақтың табиғи көрікті жерлері мен ұлттық парктері экотуризмді дамытуға үлкен мүмкіндік береді.
Лондондағы көрме арқылы аймақтың шынайы сұлулығы мен байлығын көрсетіп, Түркістанның халықаралық туристік аренадағы орнын нығайтуға мүмкіндік туады. Түркістан облысының өкілдері әлемнің жетекші туроператорларымен байланыс орнатуға, ынтымақтастық орнату және тәжірибе алмасу бағыттарын талқылауға мүмкіндік алуда. Бұл өз кезегінде аймақтың туризм инфрақұрылымын дамытуға, жаңа жұмыс орындарын ашуға және экономиканың басқа салаларын да қолдауға септігін тигізеді.
WTM London 2024 көрмесіне қатысу арқылы Түркістан облысының туризм индустриясын дамытуға жаңа мүмкіндіктер ашылады деп күтіліп отыр. Халықаралық көрме аясында Түркістан облысының павильонына Қазақстан Республикасының Ұлыбританиядағы Елшісі Мағжан Ильясов келді. Елші аймақтың осындай беделді көрмеге қатысуының маңызын атап өтіп, бұл Түркістанның туристік әлеуетін ілгерілету үшін тамаша мүмкіндік екенін айтты. Сонымен қатар, Мағжан Ильясов аймақтың туризм саласындағы жетістіктерін атап өтіп, Қазақстанның жалпы туризм стратегиясындағы Түркістанның рөлін ерекше атап өтті.
Мағжан Ильясов сондай-ақ туризм саласында халықаралық серіктестермен жаңа әрі нәтижелі қарым-қатынастар орнату, туристік инфрақұрылымды дамыту және аймаққа инвестициялар тарту үшін осындай көрмелерде тәжірибе алмасудың маңызды екенін айтты. Ол Түркістан облысының туристік өнімдерін әртараптандыру, жаңа бағыттар ашу және сапалы қызмет көрсету арқылы халықаралық деңгейде танымал болуға ұмтылатынын білдірді. Сонымен қатар, елші аймақтың экотуризм, мәдени туризм және тарихқа негізделген туризм бағыттарын дамытуға ерекше назар аударатынын айтты.
WTM London 2024 көрмесінде Түркістан облысының өкілдері өздерінің ұсыныстары мен жоспарларын кеңінен таныстырып, халықаралық инвесторлар мен серіктестердің назарын аударуды мақсат етеді. Бұл көрме арқылы Түркістанның туризм әлеуетін тиімді пайдалану, аймақтың экономикалық дамуындағы рөлін күшейту және Қазақстанның туризм саласындағы беделін арттыруға мүмкіндік туады. Сонымен қатар, халықаралық көрмеде ұсынылатын жаңа идеялар мен серіктестіктер аймақтың туризмін одан әрі дамытуға ықпал етеді деп сенеді.
Түркістан облысының туризм саласындағы белсенді қатысуы және халықаралық аренада өзіндік орнын табуы Қазақстанның жалпы туризм стратегиясына оң әсерін тигізеді. Бұл аймақтың мәдени және тарихи мұрасын әлемге таныстыру арқылы Қазақстанды туристік бағыт ретінде нығайтуға және ел экономикасын әртараптандыруға ықпал етеді. WTM London 2024 көрмесі Түркістан облысы үшін жаңа мүмкіндіктер мен перспективаларды ашып, аймақтың туризм саласын халықаралық деңгейде дамытудың маңызды қадамы болып табылады.
Пікір қалдыру