Елімізде кәсіптік-техникалық, жұмысшы мамандар аса қажет. Ондай кадрларды даярлауда Шардар қаласындағы №16 колледждің орны бөлек. Жарты ғасырға жуық тарихы бар оқу ордасы Қазақстан бойынша тұңғыш рет «Балық өндірісінің техник-технологы» мамандығы бойынша жас мамандарды оқытып келеді. Бұл мамандықтың ерекшелігі – балықты өңдеудің сауаттылығы, оны сақтау, сондай-ақ балықты қолдан өсіру технологиясы оқытылады. Білім ошағының директоры Зәкірхан Рахманқұлұлының айтуынша, бұл мамандық Шардара ауданындағы балық өндірісінің өркендеуіне байланысты туындап отыр дейді.
Биылғы жылы колледжге «Нәтижелі жұмыспен қамту 2017-2021» бағдарламасы бойынша 150 студент оқуға қабылданған. Оқу бітіргенше олар жұмысшы және орта буын мамандығын алып шығады. Екі мамандық бойынша «Хамит» балық зауытында дуалды оқыту бойынша білім алуда.
Сондай-ақ, мұнда былтырғы жылы 5 қабатты барлық жағдайы жасалған жатақхана күрделі жөндеуден өткізіліп, шәкірттердің игілігіне тапсырылды. Студенттер білім алумен қатар, тәжірибе арттыруда да алда.
Пікір қалдыру