Оңтүстік Қазақстан Мемлекеттік Педагогикалық Институтында 80 жылдық мерейтойына орай «Ұлттық мұра» студенттер мұражайы ашылды. Жаңа нысанның қызыл лентасын оқу орда ректоры және зиялы қауым өкілдері кесті.
Мұражайдың ашылу мақсаты — көненің көзі, ұлттық мұралар және құндылықтарымыз негізінде студенттер бойында ұлттық рухымызды мәңгі қалдыру, білім беру мазмұнын ұлттық мәдениет негізінде қалыптастыру болып табылады.
Бұл — бүгінгі күн тәртібіндегі басты мәселелердің бірі, өйткені «Егер жаңғыру елдің ұлттық-рухани тамырынан нәр алмаса, ол адасуға бастайды»,-деп Елбасының «Болашаққа бағдар: рухани жаңғыру» атты мақаласында да басты мәселе ретінде көрстілген.
Олай болса, білім беру – мәдениеттің бөлінбес бөлігі, ол тек мәдениетке тәуелді болып қана қоймай оған бағыт беріп отырады. Одан да маңыздысы, білім беру мәдениетке жауап беретін ол арқылы орын алатын, сондай-ақ адамның өзі де мәдениет арқылы оң сипатқа ие болатынын алға тартады.
Студенттер мұражайында бүгінде 100-ден астам экспонат қойылған.
Пікір қалдыру